Saudiyada O‘zbekistondan malakali ishchilarni jalb etish masalasi muhokama qilindi

«Dunyo» xabariga ko‘ra, unda O‘zbekiston kambag‘allikni qisqartirish va bandlik vaziri Behzod Musayev va Saudiya Arabistoni inson resurslari va ijtimoiy rivojlanish vaziri Ahmad bin Sulaymon al-Rojhiy o‘rtasida bo‘lib o‘tgan muzokaralar natijalari qalamga olingan.

«Uchrashuvda ijtimoiy masalalar bo‘yicha hamkorlikni mustahkamlash va Saudiya Arabistonining turli tarmoqlariga O‘zbekistondan malakali ishchilarni jalb etish masalalari muhokama qilindi. Vazirlar, shuningdek, ishchilar uchun qulay mehnat sharoitlarini yaratish bo‘yicha fikr almashdi», - deyiladi maqolada.

Nashrda, shuningdek, O‘zbekiston va Saudiya Arabistoni o‘rtasidagi diplomatik munosabatlar uzoq tarixga egaligi alohida qayd etilgan.

«Saudiya Arabistoni birinchilardan bo‘lib O‘zbekiston mustaqilligini tan olgan. Ikki tomonlama munosabatlar o‘zaro hurmat, hamkorlik va turli masalalar bo‘yicha yaqindan maslahatlashish tajribasi bilan ajralib turadi. Ikki mamlakat o‘rtasidagi aloqalarni mustahkamlashda iqtisodiy hamkorlik muhim rol o‘ynaydi», - deb yozgan An-Nahar News.