Turkiya va AQŞ Rossiya bilan hamkorlik qiluvçi kompaniyalarni qamrab oladigan ikkilamçi sanksiyalarga rioya qilişning yangi sxemasi böyiça kelişib oldi. Bu haqda 20 mart, çorşanba kuni Turkiyaning Hurriyet gazetasi manbalarga tayanmasdan xabar berdi.
Yangi kelişuvga köra, Amerika rasmiylari Anqarani şubhali kompaniyalar haqida xabardor qiladi va bu borada ma’lumot söraydi. Agar Turkiya tergov olib borib, natijalarini Qöşma Ştatlarga xabar qilsa, «kerak bölsa, çoralar köriladi», deb yozadi gazeta.
Avvalroq Vaşington Anqarani xabardor qilmasdan va tergov qilmasdan, Rossiya bilan iş olib borişda gumon qilingan turk şirkatlariga qarşi ikkinçi darajali sanksiyalar kiritgan edi. Bu holat, ta’kidlanganidek, «turli xil iqtisodiy muammolarni» keltirib çiqardi.
Turkiyadagi banklar Rossiya bilan hamkorlikdan boş tortmoqda
Yanvar oyida turk banklari Rossiya banklari bilan işlaşdan butunlay voz keçayotgan ma’lum böldi. Vaziyat 2023 yil yozida yanada murakkablaşdi va AQŞ prezidenti Jo Bayden 22 dekabr kuni Ukrainaga qarşi uruşda Rossiyaga yordam berayotgan xorijiy kompaniyalarga qarşi ikkilamçi sanksiyalar töğrisidagi farmonni e’lon qilganidan keyin keskin yomonlaşdi, deb yozadi «Kommersant» gazetasi. Natijada turk banklari Rossiyaning deyarli barça kredit taşkilotlari bilan korrespondentlik aloqalarini uzdi va ularning tölovlarini rasmiylaştirişni töxtatdi.
Baydenning farmoni tufayli Xitoy davlat banklari ham Rossiyadan kelgan mijozlar bilan işlaşni çeklay boşladi. Bloomberg ma’lumotlariga köra, Xitoyning kamida ikkita banki Rossiyadagi biznesini qayta körib çiqişga, sanksiya ostidagi mijozlar bilan aloqalarni uzişga va Rossiya harbiy sanoatiga har qanday moliyaviy xizmatlar körsatişni töxtatişga qaror qilgan.
