Andijonda elektr ta’minoti korxonasi xodimi pora olayotganida ushlandi

Andijonda tadbirkordan ming dollar pora talab qilgan yuriskonsult ushlandi.

Andijon shahar elektr ta’minoti korxonasi yuriskonsulti G.E. «E.H.» MChJning 57 million so‘mlik elektr energiyasidan noqonuniy foydalangani holati bo‘yicha rasmiylashtirilgan dalolatnoma va to‘plangan hujjatlarni huquqni muhofaza qilish organlarga yubormasdan, yetkazilgan zararni yo‘q qilib berishni va’da qilgan.

Evaziga 1 000 AQSh dollari talab qilib, shundan 400 AQSh dollari va 5 million so‘mni tanishi F.B. orqali olgan vaqtida Bosh prokuratura huzuridagi departament hamda DXXning Andijon viloyati boshqarmalari tomonidan o‘tkazilgan tezkor tadbirda ashyoviy dalillar bilan ushlangan.

Mazkur holatlar yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari o‘tkazilmoqda.