Ijtimoiy tarmoqlarda vazirliklardan birining mansabdori pora bilan qo‘lga tushgani haqida xabar tarqaldi.
Bosh prokuratura ushbu xabar bo‘yicha rasmiy munosabat berdi.
“Ayrim ijtimoiy tarmoqlarda bir vazirlikning Korrupsiyaga qarshi kurashish bo‘linmasi rahbari go‘yoki 6000 AQSh dollari bilan qo‘lga olingani haqida tarqatilayotgan xabarlar mutlaqo haqiqatga to‘g‘ri kelmaydi”, deyiladi rasmiy munosabatda.
Ta’kidlanishicha, mazkur xabarlar asossiz bo‘lib, o‘z tasdig‘ini topmagan.
Bosh prokuratura ijtimoiy tarmoq foydalanuvchilaridan faqat rasmiy manbalarda e’lon qilingan axborotlarga tayanishlarini hamda tekshirilmagan ma’lumotlarni tarqatmasliklarini so‘ragan.
