Makron 2024 yil uchun Vestfaliya tinchlik mukofoti bilan taqdirlandi
Fransiya prezidenti Vestfaliya tinchlik mukofoti bilan «Rossiyaning Ukrainaga hujumi boshida mojaroni to‘xtatish uchun tinimsiz sa’y-harakatlari» uchun taqdirlandi.
![](https://storage.kun.uz/source/10/ERxKwsti0YRQyyanAh-QcGUkVjUUOORQ.jpg)
Foto: Political-Momens/IMAGO
Fransiya prezidenti Emmanuel Makron 2024 yil uchun xalqaro Vestfaliya tinchlik mukofoti bilan taqdirlandi. «Siz shunchaki bajaruvchi emassiz, siz ilhomlantiruvchisiz. Boshqalar chegaralar haqida gapirganda, siz ufqlar haqida gapirasiz», dedi Germaniya prezidenti Frank-Valter Shtaynmayyer Makronga 28 may, seshanba kuni Myunsterda.
Mukofot Fransiya rahbariga «Rossiyaning Ukrainaga hujumi boshidagi mojaroni to‘xtatish bo‘yicha tinimsiz sa’y-harakatlari» uchun berildi. Emmanuel Makron «Rossiya hujumidan ancha oldin Yevropa suverenitetiga chaqirgan», dedi mukofot hakamlar hay’ati raisi Shtaynmayyer. U Makronni «qat’iy yevropalik» deb atadi va unga Fransiya-Germaniya munosabatlariga sodiqligi uchun minnatdorchilik bildirdi. «Bugungi kunda Fransiya va Germaniya bir-biriga yaqin ekani ham kam emas, men bunga siz kabi insonlar tufayli amin bo‘ldim», dedi Germaniya prezidenti o‘zining fransuz hamkasbiga.
Makronga ushbu mukofotni topshirish qarori 2023 yilda qabul qilingan. Ammo taqdirlash marosimi uning Germaniyaga o‘sha yilga mo‘ljallangan davlat tashrifi Fransiyadagi tartibsizliklar tufayli bekor qilingani sababli qoldirildi.
O‘ttiz yillik urushdan keyingi tinchlik
Xalqaro Vestfaliya tinchlik mukofoti 1998 yilda Myunster va Osnabryuk shaharlarida vayronagarchilikka olib kelgan O‘ttiz yillik urushdan keyin tuzilgan Vestfaliya shartnomasini xotirlash uchun ta’sis etilgan. Mukofot Vestfaliya va Lippe iqtisodiy jamiyati (WWL) tomonidan har ikki yilda bir marta beriladi. G‘olib 100 ming yevro oladi, bu eng yirik nemis tinchlik mukofoti bo‘lib, u Yevropa integratsiyasiga alohida hissa qo‘shgan odamlar, tashkilotlar yoki davlatlarni taqdirlaydi.
Ilgari Vestfaliya tinchlik mukofoti, xususan, Chexiya Respublikasining birinchi prezidenti Vatslav Gavel, Germaniya sobiq kanslerlari Gelmut Kol va Gelmut Shmidt, Fransiya sobiq prezidenti Valeri Jiskar d'Esten, BMT sobiq bosh kotibi Kofi Annan, XKS ekipaji, Iordaniya qiroli Abdulla II, shuningdek, Boltiqbo‘yining uchta mamlakati - Estoniya, Latviya va Litvaga topshirilgan edi.
Mavzuga oid
![](https://storage.kun.uz/source/thumbnails/_medium/10/Tz_gxOsQ_glqYpr5lZEzxEIPqkiC59eZ_medium.jpg)
11:20 / 07.09.2024
Shols va Makron Ukrainani qo‘llab-quvvatlashni davom ettirishga va’da berdi
![](https://storage.kun.uz/source/thumbnails/_medium/10/c_vksYbiiBAabwF4XsR3iHyS5YjlPPJF_medium.jpg)
08:27 / 30.08.2024
Makron Durovning Fransiyaga kelishini oldindan bilmaganini aytdi
![](https://storage.kun.uz/source/thumbnails/_medium/10/NNOUsa59Temdez0SiMdeM3_FwpjL0By2_medium.jpg)
19:15 / 27.08.2024
Politico: Makron Telegram’dan faol foydalanib keladi
![](https://storage.kun.uz/source/thumbnails/_medium/10/egauPqkNnpDiWFl9WUYBBIdetPThZCZ5_medium.jpg)
20:37 / 26.08.2024