Eng ko‘p soliq imtiyozi QQSda foydalanilgan – 5,4 trln so‘m.
O‘zbekistonda soliq to‘lovchilar 5 oyda qancha soliq imtiyozlaridan foydalangani ma’lum qilindi.
Soliq qo‘mitasi xabariga ko‘ra, 2024 yilning yanvar-may oylarida 122 862 ta tashkilot 10,6 trln so‘m miqdorda soliq imtiyozlaridan foydalangan.
Shu bilan birga:
2 561 ta korxona moliyaviy xizmatlar bo‘yicha 7,9 trln so‘mdan ortiq QQSsiz operatsiyalar amalga oshirgan;
5 958 ta korxona 13 trln so‘mdan ziyod QQS “nol” stavkasini qo‘llagan.
Soliq turlari kesimida foydalanilgan soliq imtiyoz summalari:
- QQS – 5,4 trln so‘m;
- yer solig‘i – 1,8 trln so‘m;
- foyda solig‘i – 1,2 trln so‘m;
- mol-mulk solig‘i – 979,2 mlrd so‘m;
- ijtimoiy soliq – 725,6 mlrd so‘m;
- JShODS – 357 mlrd so‘m
- AOS – 48,7 mlrd so‘m;
- suv resurslaridan foydalanganlik uchun soliq – 19,4 mlrd so‘m.
Xalqaro ekspertlar xulosasiga asosan, QQS bo‘yicha moliyaviy xizmatlar va “nol” stavka hisobi alohida yuritiladi.
