AQShga ishga yuborishini aytib pul olganlar ushlandi

Namangan va Samarqandda AQShga ishga yuborishni va’da qilgan shaxslar qo‘lga olindi.

Foto: Bosh prokuratura huzuridagi departament

Amerika Qo‘shma Shtatlariga ishga yuborishni va’da qilgan shaxslar qo‘lga olindi.

Holat Bosh prokuratura huzuridagi departamentning To‘raqo‘rg‘on tumani bo‘limi va DXX xodimlari hamkorligida o‘tkazilgan tezkor tadbirda aniqlangan.

Fuqaro J. D.ning ishonchiga kirib, uni aylanma yo‘llar orqali AQShga ishga yuborishi evaziga 5 000 AQSh dollarini olgan vaqtida ashyoviy dalillar bilan ushlangan.

Departamentning Samarqand shahar bo‘limi tomonidan o‘tkazilgan tergovga qadar tekshiruvda esa fuqarolar M. va R. ikki nafar qo‘shnisi M. va S.ning ishonchiga kirib, ularni AQShga ishga yuborishi evaziga jami 18 000 AQSh dollarini firibgarlik yo‘li bilan qo‘lga kiritgani aniqlandi.

Mazkur holatlar yuzasidan Jinoyat kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari o‘tkazilmoqda.

#AQSh #ish