“Banditlar boşqargan ekan-da?” - Javlon Yunusovning Toşkentdagi quriliş loyihalaridan odamlar norozi

“Nasl dahasi”

Javlon Yunusovning öz mijozlarini norozi qilayotgan loyihasi faqat şu bilan tugamaydi. Mirobod tumanida Nukus köçasidagi “Nasl dahasi” turarjoy majmuasi bilan şartnoma qilgan va tölovlarni amalga oşirgan odamlarga ham berilgan va’dalar bajarilmagan.

Fuqarolarning ta’kidlaşiça, Nukus köçasida qurilişi boşlangan “Nasl dahasi” turarjoy majmuasining A, B, C bloklari 2021 yil 31 dekabrda foydalanişga topşirilişi belgilangan edi, lekin ayni paytda köp qavatli uy yaşaş uçun tayyor emas. Ma’lum bölişiça, 2017 yilda poytaxtning öşa vaqtdagi hokimi Rahmonbek Usmonovning qarori bilan şaharning qoq markazidan 4 gektar yer maydoni 2 qavatli uylarni buziş şarti bilan “Adolatli kelişuv” MÇJga berilgan. Biroq, eski binolarning yarmi buzilgan, qolganida fuqarolar hamon yaşab kelmoqda.

“Şu paytgaça na uydan, na puldan darak bor. Ba’zilar pulini qaytarib oliş uçun sudga ariza bergan. Pulni qaytarib beriş haqidagi sud qaroriga qaramasdan, haligaça odamlar pulini ololmayapti. Menimça, korxona hisobida bunça pul bölmasa ham kerak. Yaqinda “Nasl dahasi” uyini qurayotgan “Adolatli kelişuv” MÇJning ta’sisçisi xalqaro qidiruvdagi Javlon Yunusov ekanini bilib qoldik. Ötgan yili majlisda u 2023 yil oxirigaça qurilişni bitirib, foydalanişga topşiramiz, xavotir olmanglar deb va’da bergandi”, – deydi uyini ololmayotgan fuqaro.

“Adolatli kelişuv” MÇJ vakillari esa, fuqarolarning e’tirozlariga javoban, jamiyatga yangi ta’sisçi tayinlanib qolişiga umid bildirgan.

Aytişlariça, quruvçi “Adolatli kelişuv” MÇJ köp qavatli uylar nomini muntazam özgartirib turgan. Oçiq ma’lumotlarga köra, jamiyatning 100 foiz uluşiga Javlon Yunusovga egalik qiladi.

Kun.uz joyiga çiqib örgangan har ikkala obektda ham ayni damda sotuv ofislari yopiq. Kompaniya vakillarini topişga bölgan urinişlar natija bermadi.

Javlon Yunusovning bizneslari

iHamkor.uz ma’lumotlariga köra, ayni paytda Javlon Bahodiroviç Yunusov “BIR CAPITAL FUND I” MÇJ va “Adolatli kelişuv” MÇJlardan taşqari, quyidagi kompaniyalarda ham uluşlarga ega:

• “Max Leather Production” MÇJda – 50 foiz;
• “Marxamat Med Pharm” MÇJda – 33,33 foiz;
• “Easy – Gazobeton” MÇJda – 34,88 foiz;
• “Emu-University” MÇJda – 50 foiz;
• “Novoget” MÇJda – 29,5 foiz;
• “Dawa Group” MÇJda – 75 foiz;
• “Luxemed” MÇJda – 50 foiz;
• “Aman Construction Group” MÇJ – 100 foiz.

Şuningdek, Yunusov ayni paytda tugatilgan “Building And Decoration” MÇJning 33 foizlik uluşdori bölgan.

Koreyadan ekstraditsiya

Javlon Yunusov – Prezident administratsiyasi sobiq mulozimi Komil Allamjonovga suiqasd işida asosiy figurantlardan biri sifatida körilmoqda. U Janubiy Koreya politsiyasi tomonidan uşlanib, 24 noyabr kuni Özbekistonga ekstraditsiya qilingan. Jinoyat işida undan taşqari yana kamida 6 kişi ayblanayotgani ma’lum.

Suiqasddan qariyb bir oy ötib, 23 noyabr kuni Davlat xavfsizlik xizmati raisi Abdusalom Azizov lavozimidan olingan edi.

24 noyabr kuni IIV Jinoyat qidiruv xizmati boşliği Ahrorjon Adhamov, Toşkent şahar IIBB boşliğining birinçi örinbosari Doniyor Toşxöjayev hamda Toşkent şahar IIBB Uyuşgan jinoyatçilikka qarşi kuraşiş bölimi boşliği Timur Sobirov ham lavozimidan ozod etilgani ma’lum böldi.

25 noyabrda esa Davlat xavfsizligi xizmati Içki xavfsizlik boşqarmasi boşliği Alijon Aşurov va boş vazir yordamçisi Sarvar Aşurov (ular aka-uka) işdan olingani oydinlaşdi.

Mazkur “tozalaş”lar Komil Allamjonovga uyuştirilgan suiqasd işi bilan boğliqligi, bir guruh amaldorlar jinoyatni foş etişga tösqinlik qilib kelgani aytilmoqda.