Janubiy Koreya harbiylari samolyot halokatidan keyin mamlakat aviaparkini tekshirishni boshladi

Janubiy Koreya harbiylari Jeju Air kompaniyasi samolyoti Muan aeroportida halokatga uchragani yuzasidan aviatsiya tarmog‘ini kompleks tekshirishni boshladi, deb xabar beradi Yonhap agentligi.

Qayd etilishicha, tergovda AQSh hamda Boeing kompaniya vakillari ham ishtirok etmoqda.

Mamlakat Harbiy-dengiz kuchlari qo‘mondonligi vakillari o‘z samolyotlari, jumladan, Boeing 737-800 komponentlariga bazasida yaratilgan P-8A havo kemalarini tekshirishga kirishgan.

Bu kabi tekshiruv jarayonlari 2025 yil 4 yanvarga qadar davom etadi. Janubiy Koreya bu turdagi samolyotlardan oltitasini iyul oyida kemalarga qarshi kurash potensialini oshirish maqsadida sotib olgandi. Harbiy-havo kuchlari, shuningdek, halokatga uchragan Boeing kabi loyihalangan uzoq masofali radiolokatsion Peace Eyesamolyotlarini ham tekshirishni boshlagan.

29 dekabr kuni ertalab soat 09:07 da Jeju Air kompaniyasining Boeing 737−8AS yo‘lovchi samolyoti uchish-qo‘nish yo‘lagidan chiqib, to‘siqqa urilgan va yonib ketdi. Samolyot bortida jami 181 kishi bor edi: 175 yo‘lovchi va 6 ekipaj a’zosi. Ulardan 179 nafari halok bo‘lgan. Bir nafar yo‘lovchi va ekipaj a’zolaridan biri qutqarib qolingan.

Janubiy Koreya prezidenti vazifasini bajaruvchi Choy Sang Mok mamlakatning Muan shahrida yo‘lovchi samolyoti halokati tufayli 7 kunlik motam e’lon qilgan.