Livanda nihoyat prezident saylandi. Bu Eronga yana bir zarba

Ekspertlar bu ovoz beriş jarayonini sönggi yillarda Livan uçun eng jiddiy siyosiy sinov bölganini aytişmoqda.

Gap şundaki, mamlakat qurolli kuçlari boş qömondoni saylanişi Eronning mintaqadagi ta’siri sezilarli darajada zaiflaşgani haqidagi signaldir.

Armiya — mamlakatda barça darajalarda hurmatga sazovor bölgan tuzilma bölib, harbiy kişi prezident bölişi Livanning birinçi navbatda öz manfaatlariga xizmat qiliş niyatini ifodalaydi.

Ovoz beriş natijalari e’lon qilinişi bilan Aun Livanga sodiqlikka qasamyod qildi.

«Men Livan xalqi konstitutsiyasi va qonunlarini hurmat qilişga, Livanning mustaqilligi va hududiy yaxlitligini saqlaşga va’da beraman», — degan u.

Voqealarning bunday rivoji Yaqin Şarq mintaqasida sönggi vaqtlarda Eronning boşiga tuşgan muvaffaqiyatsizliklar seriyasining davomi böldi.

Reuters va Bloomberg bu saylov natijalari «Hizbulloh» guruhining mamlakatdagi ta’siri kuçsizlaşganini körsatişini qayd etgan.

Isroil bilan qurolli qarama-qarşilikdan keyin Livanda joylaşgan eronparast «Hizbulloh» ulkan yöqotişlarga uçratib, rahbariyati va harbiy qudratidan ayrildi. «Hizbulloh»ning siyosiy qanoti Livan siyosiy landşaftining bir qismi bölib qolayotganiga qaramay, uning mamlakatdagi pozitsiyasi ham kuçsizlaşgan.

Tehron uçun yana bir zarba Suriyada unga sodiq bölgan Başar Asad rejimi ağdarilişi böldi, buning natijasida Eron xorijdagi muhim platsdarmini yöqotdi.

Taşqaridan qöllov

Livan siyosiy doiralaridagi manbalarga köra, ovoz beriş jarayoni arafasida Ğarb va qator arab mamlakatlari vakillari Jozef Aunning saylanişiga erişiş maqsadida Livan rasmiylari bilan aloqalarni faollaştirişgan.

Xabar qilişlariça, çorşanba kuni tongda Fransiya va Saudiya Arabistoni elçilari livanlik siyosatçilar bilan uçraşişgan.

Ekspertlar qayd etişiça, hozirgi saylovlar Ar-Riyod uçun muhim ahamiyatga ega hisoblanadi. Saudiya Arabistoni qaçonlardir Livandagi ta’sir doirasi uçun Eron bilan raqobatlaşgandi va hozirda qöldan boy berilgan nufuzini tiklaşni maqsad qilgan.

Şuningdek, Aun nomzodi AQŞ tomonidan ham qöllab-quvvatlangan.

Isroil taşqi işlar vaziri Gideon Saar Livan armiyasi boş qömondoni Jozef Aun mamlakat prezidenti etib saylanganini olqişladi.

«Umid qilamanki, bu tanlov barqarorlik, Livan va uning xalqi uçun yaxşi kelajak va yaxşi qöşniçilik munosabatlariga hissa qöşadi», — deya yozgan Saar X platformasida.

60 yoşda bölgan Aun 2017 yil martidan buyon armiyaga qömondonlik qilib kelayotgandi. U Livan harbiy akademiyasida ta’lim olgan va keyinroq AQŞ hamda Fransiyada malaka oşirgan. Faoliyati davomida Livan qurolli kuçlaridagi muhim lavozimlarni egallagan, jumladan, brigadalarni boşqargan va mamlakat hududida terrorizmga qarşi kuraş strategiyasida iştirok etgan.

2024 yil yanvarida uning muddati tugaşi lozim edi, ammo «Hizbulloh» va Isroil örtasidagi uruş tufayli vakolat muddati ikki bor uzaytirildi. Associated Press Livanning Aun tomonidan tayinlanadigan yangi hukumati iqtisodiy oğir vaziyat tufayli jiddiy muammolarga duç kelişi haqida yozgan. Mamlakat rahbariyati 2022 yilda Xalqaro valuta jamğarmasi bilan moliyaviy yordam paketi böyiça oğzaki kelişuvga erişgandi, ammo kelişuv tuzilişi uçun talab etiladigan islohotlar hali töliq amalga oşirilgani yöq.