“Kasbingizni sevsangiz, qiyinçiliklari bilinmaydi” – krançi, tergovçi, poyezd va avtobus haydovçi ayollar hikoyasi

Ziyoda faoliyatidagi jarayonlar öz hayoti uçun turli xavflarni keltirib çiqarişiga qaramay, kasbini sevişi, boşqa sohada işlaşni tasavvuriga siğdira olmasligini ta’kidlaydi.

“Mehnat qilgan heç qaçon kam bölmas ekan. Halol işlab, köp narsaga erişdim, farzandlarimni oliygohlarda öqitdim. Kasbim ortidan “Şuhrat” medali sohibasi böldim, hozirda şaxsiy avtomaşinam bor, işimni juda yaxşi köraman”, – deydi u.

Poytaxtda avtobus boşqarayotgan ayol haydovçilar soni hozirda atigi 2 nafar. Ulardan biri 57 yoşli Nargiza Gadoyeva. U pensiya yoşida bölişiga qaramay, şahar böylab yölovçilariga xizmat qilişdan çarçamaydi.

Nargiza Gadoyeva yengil maşina boşqarişda 37 yillik tajribaga ega, avtobus ruliga ötganiga bir yil böldi. Uning bu sohaga kirib kelişiga nevaralarini maktab va boğçaga olib boriş uçun yölovçi taşiş toifasi böyiça haydovçilikka öqigani sabab bölgan.

“Avvaliga avtobus haydaş xayolimga ham kelmagan edi. Qonunçilik özgarişi bilan ayol-qizlarning ham katta avtobuslarni boşqariş imkoniyati paydo böldi. Özimni sinab köriş maqsadida test topşirdim, imtihonlardan ötib, şu tariqa mazkur sohada işlay boşladim”, – deydi u.

Nargiza Gadoyeva har kuni erta tong soat 05:00 ga yaqin avtobus parkiga keladi, avval transportni texnik körikdan ötkazib, har bir detalini tekşiradi, şundan keyin odamlarni manziliga yetkaziş uçun yölga otlanadi.

“Kun davomida avtobusimga yoş bolalar, qariyalar, talabalar, işga şoşayotgan odamlar çiqadi. Ularning barçasini eson-omon manziliga olib boriş mening vazifam. Şuning uçun, har bir harakat, har bir burilişni e’tibor va mas’uliyat bilan amalga oşiraman. Yöllarda turli vaziyatlar bölişi mumkin: ba’zan yengil avtomobil haydovçilari töğridan töğri yölimizga çiqib keladi, ba’zan şoşqaloq piyodalar yölni kesib ötayotgan böladi. Şunday holatlarda darhol töxtaş yoki buriliş qiliş lozim. Tormoz berayotganda tepkini öylab tortiş kerak, salonda yoş bolalar, homilador ayollar, keksalar bölsa, favqulodda harakat ularga zarar yetkazmasligi uçun diqqat bilan harakat qilaman”, – deydi u.

25 yoşli Feruza Bakiyeva tezyurar “Afrosiyob” poyezdida maşinist yordamchici bölib işlaydi. U 7 yildan beri temiryöl sohasida. Onasining kasbiga qiziqişi ortidan sohaga kirib kelgan Feruza bolaligidan poyezd haydaşga qiziqişi yuqori bölganini aytadi.

Uning sözlariga köra, soatiga 250 km tezlikda harakatlanuvçi poyezd boşqaruvida öta sinçkov böliş talab etiladi, negaki harakat vaqtida yuzaga keladigan kiçik texnik nosozlik, oddiy qoidalarga rioya qilinmasligi ham katta xavf tuğdirişi mumkin.

“Işimiz faqatgina yölovçilarni manzilga yetkazişdan iborat emas, masofalarni bosib ötiş mobaynida ularning xavfsizligini ta’minlaş eng muhim vazifalarimizdan biri. Yölda turli favqulodda holatlar yuzaga kelişi mumkin, şuning uçun bizdan doim huşyor böliş talab etiladi.

Köpçilik "ayol kişi uçun bu kasb qiyin emasmi?" deb söraydi. Albatta, jarayonda jismoniy va ruhiy bardoşlilik kerak. Muhimi – kasbni seviş, işingizni yaxşi körsangiz, qiyinçiliklari bilinmaydi. Poyezd manziliga yetib borib töxtaganda yölovçilarning bizga minnatdorlik bilan jilmayib tuşayotganini körsam, hamma çarçoqlarni unutaman. Mehnat ta’tili yoki uzoq vaqt işda bölmaganimda, poyezdni juda soğinaman, işga qaytgandan keyin uni quçoqlab, öpib olgim keladi [kuladi], işimni şu darajada qattiq yaxşi köraman”, – deydi u.

Nargiza Hojiyeva 8-sinfda öqiyotgan vaqtida otasiga suiqasd uyuştirilgan. Öşa kezlarda tergov jarayonida kuzatilgan nohaqliklar sabab u tergovçi böliş va suriştiruv işlarini haqqoniy tarzda olib boriş, odamlarning huquqlarini adolatli himoya qilişga öziga-özi va’da bergan. Şu tariqa içki işlar tizimiga kirib, tergov sohasida işlay boşlagan. 25 yildan buyon tergovçilik bilan şuğullanib kelayotgan Nargiza Hojiyeva hozirda terrorizm va ekstremizm bilan boğliq jinoyatlarni örganadi.

“Bu turdagi huquqbuzarliklarni sodir etganlar bilan işlaş nihoyatda murakkab. Ular özlarini haq deb biladi, jamiyat tinçligi ularga qiziq emas. Odamlarning azob çekişi, fojialar ular uçun hayot mazmuniga aylangan. Bunday şaxslar bilan işlaş kuçli irodani talab etadi”, – deydi u.

Tergovçi ayol kasbi sabab turli tahdidlarga duç kelganini ham yaşirmaydi. Qiyinçiliklarga qaramay, insonlarga yordam beriş, ularning dardini tinglaş, muammolariga yeçim topiş unga kuç bağişlaşini aytadi:

“Ba’zida keç soat 10-11 gaça işlayman. Har bir jinoyat işining ortida inson taqdiri turganini anglagan holda tergov jarayonida haqqoniylikni ta’minlaş uçun bor kuçimni sarflayman, iş davomida heç bir taraf norozi qolmasligi uçun harakat qilaman. Ayblanuvçining aybini aniq isbotlaş, jabrlanuvçini esa adolat qaror topganiga işontiriş – asosiy maqsadim. Jabrlanuvçi haq-huquqlari himoya qilinganini aytganda, jinoyatçi esa öz xatosini tuşunganida kasbimdan haqiqiy zavqni his qilaman”, – deydi Nargiza Hojiyeva.

Körsatuvning töliq qismini Kun.uz’ning YouTube’dagi kanalida tomoşa qilişingiz mumkin.

Diyoraxon Nabijonova suhbatlaşdi.