Milliy statistika qoʻmitasi uy xoʻjaliklari tanlanma kuzatuvlari natijalariga tayanib, ushbu maʼlumotlarni eʼlon qildi.
Qayd etilishicha, 2021-yilda 10 yosh va undan katta ayollar orasida internetdan foydalanuvchilar ulushi 76,6 foiz boʻlgan. 2026-yilning yanvar–avgust oylarida esa bu koʻrsatkich 97 foizga yetgan.
Mazkur davrda 10 yosh va undan katta erkaklarning 97,5 foizi internetdan foydalangan. Shu tariqa, erkaklar va ayollar oʻrtasidagi farq 0,5 foiz bandni tashkil etgan.
