«Balki uddalarmiz, balki yöq». Tramp ertaga Putin bilan gaplaşişga va’da berdi

13 mart kuni Putin Moskvada AQŞ prezidentining maxsus vakili Stiv Uitkoffni qabul qildi.

Kreml uçraşuv natijalarini bosiqlik bilan izohladi: Uitkoff Ukrainada öt oçişni töxtatiş taşabbusi haqida «qöşimça ma’lumot taqdim etgani», Putin esa Uitkoff orqali «Tramp uçun ma’lumot va qöşimça signallar bergani» aytildi.

Tramp esa Kremldagi uçraşuv haqida yanada optimistik fikr bildirdi. «Biz Rossiya prezidenti Vladimir Putin bilan juda yaxşi va samarali muzokaralar olib bordik va bu dahşatli, qonli uruş nihoyat tugaşi uçun juda yaxşi imkoniyatlar bor», – deb yozdi u Truth Social ijtimoiy tarmoğida.

Diplomatik jarayon Rossiya armiyasining Kursk oblastidagi hujumi fonida bölib ötmoqda, u yerda Rossiya armiyasi ukrainlar 7 oy davomida işğol etib turgan Sudja şahrini qaytarib olişga muvaffaq böldi.

Trampning AQŞ prezidenti lavozimiga qaytganidan keyin Rossiya prezidenti bilan ilk telefon muloqoti 12 fevralda bölib ötgandi.

Moskva bilan yaqinlaşib, AQŞ taşqi siyosatini ostin-ustun qilgan Tramp avvalroq Ukrainani Rossiyadan köra muzokaralar olib boriş qiyinroq bölgan davlat sifatida körsatişga uringandi.

Fevral oyida u Oq uydagi Oval kabinetda prezident Volodimir Zelenskiyni qabul qildi – uçraşuv şov-şuvli tortişuv va muzokaralar barbod bölişi bilan yakunlandi, faqat ötgan haftaga kelib delegatsiyalar Jiddada munosabatlarni qayta tiklaşga muvaffaq böldi.

Rossiya Taşqi işlar vazirligi Putin va Trampning ikkinçi telefon muloqoti oldidan Ukraina böyiça har qanday uzoq muddatli tinçlik şartnomasi Moskva talablariga javob berişi kerakligini ma’lum qilgan.

«Biz xavfsizlikning metin kafolatlari uşbu kelişuvning bir qismi bölişini talab qilamiz, – dedi Rossiya taşqi işlar vaziri örinbosari Aleksandr Gruşko «Izvestiya» gazetasiga bergan intervyusida. – Bu kafolatlarning bir qismi Ukrainaning neytral maqomi, NATO davlatlarining uni alyans a’zoligiga qabul qilişdan boş tortişi bölişi kerak. Aslida, aynan şu qoida körsatilgan bitimlar loyihalarida qayd etilgan».

Ukrainaning NATO va Yevropa Ittifoqiga qöşilişi masalasi mamlakat konstitutsiyasiga kiritilgan. Şimoliy Atlantika alyansi ham rasman «oçiq eşiklar» siyosatiga amal qiladi, bu esa u yoki bu mamlakatlar blokka qöşiliş töğrisida mustaqil qaror qabul qilişi mumkinligini nazarda tutadi.

Ğarb tinçlikparvar kuçlari haqidagi bahs

Buyuk Britaniya va Fransiya Ukrainadagi sulhga amal qilinişini kuzatiş uçun tinçlikparvar kuçlarni yuborişga tayyorligini bildirgan, ammo Moskva bu variantni rad etadi.

«NATO kontingentlari Ukraina hududida qanday yorliq ostida joylaştirilişi mumkinligining bizga mutlaqo farqi yöq: Yevropa Ittifoqi, NATO yoki milliy darajada, – dedi Gruşko. – Har qanday holatda ham, agar ular u yerda paydo bölsa, bu ular mojaro tomonlari sifatida uşbu kontingentlar uçun barça oqibatlarga ega bölgan mojaro zonasida joylaştirilganini anglatadi».

«Gap qurollanmagan kuzatuvçilar, uşbu kelişuvning ayrim jihatlari bajarilişini kuzatib boradigan fuqarolik missiyasi yoki kafolat mexanizmlari haqida ham bölişi mumkin. Hozirça esa – quruq gap», – deya qöşimça qildi u.

Yevropa Ittifoqi taşqi siyosat idorasi rahbari Kaya Kallas duşanba kuni Moskvaning pozitsiyasi Ukrainadan tinçlik emas, taslim bölişga erişiş istagidan dalolat berişini aytdi.

«Ular taqdim etgan şartlar şuni körsatadiki, ular aslida tinçlikni xohlamaydi, çunki ular uruşda erişmoqçi bölgan barça yakuniy maqsadlarini şart sifatida taqdim etadi», – dedi Kallas Bryusselda jurnalistlarga.

Fransiya prezidenti Emmanuel Makron yakşanba kuni Ukrainada tinçlikparvar kuçlarni joylaştiriş Moskva emas, balki Kiyev hal qilişi kerak bölgan masala ekanini aytdi.

Putin 13 mart kuni Vaşington va Kiyevning yaraşuv töğrisidagi taklifiga Trampning maxsus vakili Uitkoff bilan uçraşişdan oldin ham izoh bergandi.

«Biz bunga qöşilamiz, ammo nozik jihatlari bor», – dedi Putin va qator şartlarni ilgari surdi. Jumladan, u Ukrainaga Ğarb qurollarini yetkazib berişni töxtatişni va Ukraina qurolli kuçlariga safarbarlikni töxtatişni talab qildi, şuningdek, Kursk oblastida qolayotgan ukrain harbiylari asirga tuşişi kerakligini aytdi.

Moskva va Kiyevning yangi diplomatik aloqalari haqidagi xabarlar fonida New York Times gazetasi duşanba kuni AQŞ Adliya vazirligi Yevropa rasmiylarini Ukrainaga qarşi tajovuzkor jinoyatlar uçun ta’qib qiliş xalqaro markazi tarkibidan çiqişi haqida xabardor qilgani haqida xabar berdi.