Kawasaki o‘zining robot otini namoyish etdi. U tog‘larda ham yugura oladi

Habr’ning yozishicha, robot vodorod dvigateli bilan jihozlangan, u moto-otning 4 ta oyog‘ini harakatga keltirish uchun elektr energiya ishlab chiqarish vazifasini bajaradi.

Robot boshqaruvi sun’iy intellektli bort kompyuteri tomonidan amalga oshiriladi. Ot har qanday joyda, jumladan, tog‘li va qorli hududlarda ham harakatlana oladi. Tunda ham bemalol yura oladi. 

Hozircha bu konseptual model bo‘lib, Kawasaki robotni seriyali ishlab chiqarishni 2050 yilga mo‘ljallamoqda. Moto-otning narxi ham ma’lum emas.

Ishlab chiqaruvchilar robotning yangi shaxsiy transport vositasiga aylanib, mashinada chiqish imkonsiz bo‘lgan joylarga xavfsiz sayohat qilish imkonini taqim etishiga ishonch bildirmoqda.