2025 yilning iyun oyida “O‘zenergoinspeksiya” tomonidan huquqni muhofaza qiluvchi organlar hamda elektr va gaz ta’minoti tashkilotlari bilan hamkorlikda o‘tkazilgan nazorat tadbirlari natijasida energiya resurslaridan noqonuniy foydalanishning 234 ta holati aniqlangan.
Ushbu holatlar oqibatida 50,6 million kVt/soat elektr energiyasi va 12,4 million metr kub tabiiy gaz talon-toroj qilingan bo‘lib, umumiy hisobda tizimga 135 milliard 669 million so‘m zarar yetkazilgan.
Bundan tashqari, energiya resurslaridan foydalanish qoidalarini buzgan iste’molchilar bo‘yicha 471 ta ma’muriy huquqbuzarlik ishi rasmiylashtirilgan. Qoidabuzarlarga nisbatan belgilangan tartibda choralar ko‘rilib, tegishli hujjatlar huquqni muhofaza qiluvchi organlarga taqdim etilgan.
“O‘zenergoinspeksiya” tomonidan bu kabi holatlarning oldini olish, energiya resurslaridan oqilona va qonuniy foydalanish madaniyatini oshirish bo‘yicha tizimli ishlar davom ettirilmoqda.
