Nevrologiya va neyroreabilitatsiya milliy tibbiyot markazi tashkil etildi

Respublika ixtisoslashtirilgan nevrologiya va insult ilmiy-amaliy tibbiyot markazi Nevrologiya va neyroreabilitatsiya milliy tibbiyot markazi deb qayta nomlandi.

«Yaponiya xalqaro hamkorlik agentligi (JICA) ishtirokidagi «Respublika ixtisoslashtirilgan nevrologiya va insult ilmiy-amaliy tibbiyot markazini tashkil etish» loyihasini amalga oshirish chora-tadbirlari to‘g‘risida»gi prezident qarori qabul qilindi.

Mazkur qarorni qabul qilishdan ko‘zlangan asosiy maqsadlar etib quyidagilar belgilandi, jumladan:

- aholiga ixtisoslashtirilgan nevrologik yordam ko‘rsatish samaradorligini oshirish;

- sohadagi tibbiyot va ta’lim muassasalarining moddiy-texnika bazasini mustahkamlash, ularni zamonaviy tibbiy va diagnostik asbob-uskunalar bilan jihozlash.

Loyihani amalga oshirish muddati 2025–2032 yillar etib belgilangan.

Qarorga ko‘ra, Respublika ixtisoslashtirilgan nevrologiya va insult ilmiy-amaliy tibbiyot markazi Nevrologiya va neyroreabilitatsiya milliy tibbiyot markazi deb qayta nomlandi.

Sog‘liqni saqlash vazirligi JICA ko‘magida yaponiyalik mutaxassislar guruhini jalb etish uchun Yaponiyaning «Yakuzemi Information Education Center» konsalting kompaniyasi bilan xorijiy valutada 1 yil muddatga shartnoma imzolashi belgilandi.

Tayyorlagan: Сардор Юсупов

#Yaponiya #salomatlik #nevrologiya