O‘zbekistonda Misr bilan hamkorlikda ammofos ishlab chiqarish zavodi quriladi

Mamlakat elchixonasi ko‘magida "O‘zkimyosanoatloyiha" AJ delegatsiyasining Misrga amaliy safari tashkil etildi.

Foto: "Dunyo" AA

Delegatsiya a’zolari Misrning nufuzli sanoat kompaniyalaridan biri – Polyserve Group rahbariyati bilan birgalikda amalga oshirilayotgan ammofos ishlab chiqarish zavodi loyihasini jadallashtirish va o‘zaro hamkorlikni yanada kengaytirish masalalari yuzasidan muzokara olib bordi.

Qo‘shma loyiha doirasida amalga oshirilayotgan ishlar nafaqat o‘g‘it ishlab chiqarish sohasidagi salohiyatni oshirish, balki mintaqaviy oziq-ovqat xavfsizligini ta’minlash, qishloq xo‘jaligida barqaror o‘sishni qo‘llab-quvvatlash hamda ekologik jihatdan samarali texnologiyalarni tatbiq etishga ham xizmat qiladi.

"O‘zkimyosanoatloyiha" AJ xalqaro miqyosdagi bunday strategik sheriklik orqali O‘zbekiston kimyo sanoati salohiyatini yuksaltirish, yangi tashqi bozorlarga chiqish va ilg‘or sanoat infratuzilmasini shakllantirish borasida izchil sa’y-harakatlarni davom ettirmoqda.