Xreal 1S: Oddiy videoni 3D’ga aylantiradigan ko‘zoynaklar taqdim etildi

Xreal yangi AR-ko‘zoynak - Xreal 1S’ni chiqaradi. Eng katta yangilik: u oddiy 2D videoni bir zumda 3D shaklga o‘tkaza oladi.

Foto: Abbosxon Yusufjonov

Xreal 1S 82 gramm. Unda Sony ishlab chiqqan ikki OLED ekran bor. Tasvir tiniq, yangilanish tezligi esa 120 Hz (Gers) gacha. 2D videoni 3D’ga aylantirish rejimida tezlik 30 Hz (Gers) bo‘ladi, lekin baribir ko‘zni charchatmaydi.

Boshni qimirlatganda ekran joyidan siljimaydi. Ko‘zoynak yorug‘likni ham o‘zi boshqaradi, kerak bo‘lsa qorong‘i, kerak bo‘lsa ochiq qiladi.

Xreal Neo — AR uchun maxsus “powerbank”

Shu bilan birga kompaniya Xreal Neo’ni ham chiqardi. Bu AR-ko‘zoynaklar uchun mo‘ljallangan 10 000 mA·soatlik powerbank. U ko‘zoynakka video uzatadi va telefonni ham quvvatlaydi. Nintendo Switch uchun dok-stansiya sifatida ham ishlaydi.

Narxlar esa quyidagicha:

Xreal 1S — 67 980 iyena. Oldindan buyurtma Yaponiyada ochilgan.

Xreal Neo — 14 580 iyena, savdo yanvar oxirida boshlanadi.

Texnologiyalar tez o‘zgarayotgan bugungi kunda eng so‘nggi yangiliklardan xabardor bo‘lish muhim. Raqamli dunyoda adashib qolmaslik va shunday yangiliklarni birinchilardan bilish uchun KUN.UZ Texnologiya Telegram sahifasini kuzatib boring.