Xitoyga tashrif hamisha ikki olamni bir vaqtda namoyon etadi: bir tarafda ming yillik tarix, qadimiy shaharlar va madaniy yodgorliklar, boshqa tarafda esa yuksak texnologiyalar, robotlashtirilgan zavodlar va global innovatsiyalar. So‘nggi kunlarda Xitoyning aynan shu ikki qirrasi kesishgan hududlarda bo‘lish imkoniyati yaratildi. Sayohat davomida modern texnologiyalar qanday yaratilishi, smartfonning zavoddan chiqib, iste’molchigacha qanday jarayonlardan o‘tishi yaqqol ko‘zga tashlandi.
Marshrutning ilk nuqtasi Syan bo‘ldi — qadimiy Xitoy imperialari markazi, Buyuk ipak yo‘lining boshlanish nuqtasi. Ulug‘vor Terrakota askarlari, Tan davri qal’a devorlari va tarixiy maskanlar bu yerda o‘tmishning qanchalik chuqur ildiz otganini yana bir bor eslatadi.
Syan shahrida yana HONOR tadqiqot markazi joylashgan bo‘lib, majmua — 126 ta laboratoriyani birlashtirgan, 37 ming kv.m maydonga ega hisoblanadi. Bu yerda HONOR X seriyalari konsepsiyasi yaratiladi, kameralar, antennalar va ekranlar sinovdan o‘tkaziladi, sun’iy intellekt algoritmlari ishlab chiqiladi. HONOR X9d, yangicha standartlar asosida sinovdan o‘tkaziladi. Kompaniyaning ichki jarayonlari bilan tanishish HONOR smartfonlari ortida qanday ilmiy va texnik baza yotganini yaqqol ko‘rsatadi.
Sayohatning navbatdagi manzili Shenchjen bo‘ldi — ko‘pincha “Xitoyning Silikon vodiysi” deb ataladigan bu shahar zamonaviy arxitekturasi, IT markazlari, robototexnika laboratoriyalari va startap ekotizimi bilan texnologiya sur’ati bir zum ham to‘xtamaydigan makonday tuyuladi. Qadimiy Nantau hududidagi tarixiy inshootlar bilan tanishuvdan so‘ng Shenzhen Bay texnoparki bo‘ylab sayohat davom etdi; bu yerda yirik kompaniyalar rivojlanishining qanchalik tez sur’atlarda ketayotganini yaqqol ko‘rish mumkin bo‘ldi.
Shenchjendagi navbatdagi tashrif HONOR’ning bosh qarorgohiga uyushtirildi. Bu yerda kompaniyaning global rivojlanish strategiyasi, MagicOS operatsion tizimi imkoniyatlari, qurilmalar va iCloud xizmatlari o‘rtasidagi integratsiya kabi yo‘nalishlar haqida batafsil ma’lumot berildi. Ichki ko‘rgazmalar orqali brend sun’iy intellekt, barqarorlik, xavfsizlik va foydalanuvchi tajribasini yaxshilashga qaratilgan loyihalar ustida qanday ishlayotgani ko‘rsatildi.
