Qamchiq dovonida FVVning rejalashtirilgan kompleks mashqlari bo‘lib o‘tadi

Joriy yilning 16–17 dekabr kunlari Qamchiq dovonida Favqulodda vaziyatlar vazirligi tomonidan kompleks o‘quv mashqi o‘tkaziladi. Tadbir davomida yong‘in va qutqaruv texnikalari jalb qilinishi ma’lum qilindi.

Foto: FVV

FVV ma’lumotiga ko‘ra, mazkur o‘quv mashqi har yili dekabr oyining o‘rtalarida o‘tkaziladigan rejalashtirilgan tadbir hisoblanadi.

Shu munosabat bilan vazirlik fuqarolar, blogerlar hamda ijtimoiy tarmoq administratorlaridan ushbu mashq to‘g‘risidagi axborotlarni noto‘g‘ri talqin qilmaslikni so‘ramoqda.

Shartli favqulodda vaziyatlar bo‘yicha sahnalashtiriladigan holatlarni real voqea sifatida ko‘rsatmaslik lozimligi ta’kidlandi.