Xokkey bo‘yicha AQSh terma jamoasi Italiyada bo‘lib o‘tgan Olimpiada o‘yinlarida Kanada terma jamoasini overtaymda 2:1 hisobida mag‘lubiyatga uchratib, oltin medalni qo‘lga kiritdi.
Asosiy vaqt 1:1 hisobida yakunlandi. Overtaymda Jyek Xyuz amerikaliklarga g‘alaba keltirdi.
Finlandiya xokkeychilari slovakiyaliklarni 6:1 hisobida yengib, bronza medallariga ega chiqishdi.
Kanada va AQSh Olimpiada finalida uchinchi bor to‘qnash kelishdi. AQSh jamoasi ilgari ikki marta Olimpiada oltin medalini qo‘lga kiritgan (1960 va 1980 yillarda).
Kanada termasi Olimpiada o‘yinlari xokkey musobaqalarida o‘n marta g‘olib bo‘lgan. Jamoa so‘nggi marta 2014 yilda oltin medalga sazovor bo‘lgan.
