Italiyada 6 mart, juma kuni XIV qişki Paralimpiya öyinlari rasman boşlandi. Qişki Olimpiada tugaganidan 12 kun ötib, Veronaning qadimiy amfiteatrida mamlakat prezidenti Serjo Mattarella mahalliy vaqt bilan soat 21:19 da öyinlarni oçiq deb e’lon qildi. Olimpiya maş’alasi yana bir vaqtning özida ikki joyda — Milandagi Tinçlik arkasi yonida va Kortina-d’Ampetssodagi Dibona maydonida yoqildi.
Ukraina, Çexiya, Estoniya, Finlandiya, Latviya, Litva va Polşa qişki Paralimpiadaning oçiliş marosimini boykot qildi, çunki Rossiya va Belarus sportçilari musobaqaga neytral maqomda emas, balki öz davlatlarining milliy bayroqlari ostida qöyildi. 2026 yilgi qişki Olimpiadada esa ular neytral sportçilar maqomida qatnaşgan edi. Rossiyalik sportçilar ötib ketayotganda tomoşabinlar ularni norozilik bilan qarşi oldi. Marosimda 2014 yildan beri birinçi marta Rossiya bayroği olib çiqildi, uni italiyalik volontyor kötarib bordi.
Bir qator davlatlar, jumladan Germaniya, Fransiya, Buyuk Britaniya va Kanada terma jamoalari sportçilar paradida qatnaşmadi, buni sportga oid sabablar bilan izohladi. Masalan, Germaniyaning imkoniyati çeklangan sportçilar uyuşmasi (DBS) oldindagi musobaqalarga diqqatni jamlaş zarurligini aytdi, şu bilan birga ukrainaliklar bilan hamjihatlik bildirdi. Germaniyadan Paralimpiadaga 40 nafar sportçi va 8 nafar hamroh şaxs keldi — bu qişki Paralimpiya öyinlari tarixidagi Germaniyaning soni jihatidan ikkinçi eng katta delegatsiyasidir. Germaniya sportçilari faqat kyorlingda qatnaşmaydi.
17 fevral kuni Xalqaro paralimpiya qömitasi Rossiya va Belarus sportçilari 2026 yil Milan va Kortina-d’Ampetssoda bölib ötadigan Qişki paralimpiya öyinlarida öz mamlakatlari bayroqlari ostida qatnaşişi mumkinligini ma’lum qildi. Paralimpiadaga ikki tomonlama taklifnomalar olti nafar rossiyalik va tört nafar belaruslik sportçiga berildi.
2025 yil sentabrida Xalqaro paralimpiya qömitasi Rossiya va Belarus milliy qömitalari a’zoligini tikladi. Bu a’zolik Ukrainadagi keng kölamli uruş boşlanganidan söng töxtatib qöyilgan edi. Rasman olganda, bu qaror uşbu mamlakatlar sportçilariga Italiyadagi öyinlarda öz milliy bayroqlari ostida iştirok etiş imkonini berar edi. Ammo yakuniy ruxsat tegişli sport turlari böyiça xalqaro federatsiyalarga boğliq bölib qolgan.
Dekabr oyida Sport arbitraj sudi (CAS) Rossiya va Belarus sportçilarining Xalqaro çanği sporti va snoubord federatsiyasi (FIS) ularni xalqaro musobaqalarga qöymaslik haqidagi qaroriga qarşi bergan apellyatsiyalarini qisman qanoatlantirdi. Natijada, paralimpiyaçi sportçilar FIS musobaqalarida neytral maqomsiz va milliy ramzlar bilan iştirok etiş huquqini qölga kiritdi. Şundan söng Rossiya va Belarus paralimpiyaçilari tanaffusdan keyin birinçi marta xalqaro musobaqalarda öz mamlakatlari bayroqlari ostida qatnaşiş imkoniga ega böldi. Bu imkoniyati çeklangan sportçilar örtasidagi çanği poygalari böyiça Jahon kubogining bosqiçi bölib, u yanvar oyida Germaniyaning Finsterau şahrida ötkazilgan edi.
