Tramp AQShning Erondan keyingi asosiy dushmani kimligini aytdi

Donald Trampning so‘zlariga ko‘ra, demokratlar partiyasi AQShning ashaddiy dushmanlari hisoblanadi.

Foto: Reuters

Prezident Donald Tramp AQSh Demokratik partiyasini mamlakatning Erondan keyingi asosiy dushmani deb atadi.

«Eronning halokatidan so‘ng endi o‘ta so‘l, uquvsiz Demokratik partiya Amerikaning eng buyuk dushmani hisoblanadi!», — deb yozdi Tramp Truth Social ijtimoiy tarmog‘ida.

Avvalroq AQSh vakillar palatasidagi demokratik ozchilik yetakchisi Hakim Jyeffris Donald Tramp va «respublikachi ekstremistlar»ni Yaqin Sharqda «aqlsiz urush» keltirib chiqarishda ayblagandi.

«Bizga Amerikadagi rejim o‘zgarishi kerak», — deb yozdi Jyeffris.

Demokratik partiya kongress yuqori palatasi ishini to‘xtatishga tayyorlanmoqda. Demokratlar prezidentning harbiy vakolatlari to‘g‘risidagi rezolyutsiyalar bo‘yicha majburiy va takrorlanuvchi ovoz berishlar taktikasini qo‘llash niyatida.

Senator-demokrat Adam Shiff bu qarorni Eronga qarshi harbiy operatsiyani boshlaganligi uchun javobgarlikni tan olish deb izohladi.

«O‘zini tarixdagi eng shaffof ma’muriyat deb ataydiganlar bu urush uchun har qanday javobgarlikdan qochmoqda», dedi u.