Ukrainaning «Xoçu jit» (Yaşaşni xohlayman) davlat loyihasi 2026 yil holatiga köra, Rossiya Mudofaa vazirligi bilan şartnoma imzolagan va Ukrainaga qarşi uruşda iştirok etayotgan Markaziy Osiyo davlatlarining 12 666 nafar fuqarosining şaxsiy ma’lumotlariga ega. Uşbu ma’lumotlar loyiha vakillari tomonidan «Ukraina - Markaziy Osiyo» taşabbusi söroviga javoban taqdim etildi.
Röyxatga olingan yollanma askarlarning eng köp soni Özbekistonga töğri keladi - 4853 nafar. Ikkinçi örinni 3407 nafar askar bilan Tojikiston egallagan. Uçinçi örinda Qozoğiston bölib, u yerda 2389 kişi askarlikka yollangani aniqlangan. Keyingi örinda Qirğiziston - kamida 1439 nafar. Eng kam körsatkiç Turkmaniston fuqarolari orasida qayd etilgan - 578 nafar.
Avvalroq, 2025 yil bahori va yozida «Xoçu jit» loyihasi Markaziy Osiyo davlatlaridan uruşga jalb qilinganlarning nomma-nom röyxatini e’lon qilgan edi. Şu vaqtda gap 5740 nafar yollanma askar haqida borgan. Şunday qilib, ötgan yil davomida Markaziy Osiyoning beşta respublikasidan identifikatsiya qilingan şaxslarning umumiy soni ikki baravardan köproqqa oşgan.
Qayd qiliş joiz, Rossiya Mudofaa vazirligi şartnoma imzolagan va Ukrainaga qarşi uruşda iştirok etayotgan Markaziy Osiyo davlatlari fuqarolari soni haqida heç qaçon ma’lumot bermagan.
Ma’lumot uçun: «Xoçu jit» - 2022 yilda Ukraina Mudofaa vazirligi va Boş razvedka boşqarmasi iştirokida taşkil etilgan davlat loyihasi. Dastur Rossiya va boşqa davlatlar harbiylariga ixtiyoriy ravişda asirga tuşiş imkoniyatini beradi. Ta’kidlanişiça, ularga xalqaro gumanitar huquq, jumladan, Jyeneva konvensiyalari normalariga muvofiq muomala qiliş kafolatlari beriladi. Taşabbus doirasida işonç telefoni va raqamli aloqa kanallari mavjud bölib, ular orqali iştirokçilar qanday asirga tuşiş böyiça körsatmalarni olişi mumkin.
