Farğonada kutubxonalar soni keskin kamaydi

Özbekistonda 2026 yil 1 yanvar holatiga 17 763 ta kutubxona faoliyat körsatmoqda. Ularda jami 89,2 mln nusxada kitob va jurnallar mavjud. Bu haqda Statistika qömitasi xabar berdi.

Hududlar kesimida kutubxonalar soni quyidagiça:

·  Samarqand viloyati — 2 044 ta;

·  Qaşqadaryo viloyati — 1 767 ta;

·  Surxondaryo viloyati — 1 600 ta;

·  Farğona viloyati — 1 575 ta;

·  Namangan viloyati — 1 477 ta;

·  Toşkent viloyati — 1 446 ta;

·  Toşkent şahri — 1 217 ta;

·  Xorazm viloyati — 1 100 ta;

·  Qoraqalpoğiston Respublikasi — 1 058 ta;

·  Andijon viloyati — 1 058 ta;

·  Buxoro viloyati — 1 049 ta;

·  Sirdaryo viloyati — 887 ta;

·  Jizzax viloyati — 810 ta;

·  Navoiy viloyati — 675 ta.

Respublikada kutubxonalar soni 2025 yil 1 yanvardagidan (14 999 ta) 2 764 taga köpaygan. Biroq, şunga qaramay 4 ta hudud – Farğona (-533 ta), Jizzax (-58 ta), Toşkent (-21 ta) va Andijon (-7 ta) viloyatlarida ular kamaygan.

Kutubxonalar köpayişi böyiça Toşkent şahri (+516 ta), Namangan (+586 ta), Surxondaryo (+441 ta), Xorazm (+412 ta) va Sirdaryo (+361 ta) viloyatlari yetakçilik qilgan.

Ma’lumot uçun, uşbu körsatkiçga respublika hududidagi barça kutubxonalar, ta’lim muassasalari, taşkilotlarga qaraşli axborot-resurs markazlari hamda axborot-kutubxona markazlari kiritilgan.

Jahon şaharlari reytingi: aholi uçun eng köp kutubxona qayerda?