Мактабгача ва мактаб таълими вазирлиги маълум қилишича, 2026–2027 ўқув йили учун давлат умумтаълим мактабларининг 1-синфига қабул жараёнлари изчил давом этмоқда.
20 июл ҳолатига кўра, республика бўйича жами 600 065 нафар бола 1-синфга қабул қилинган. Шундан 322 944 нафари онлайн, 277 121 нафари эса анъанавий тартибда ҳужжат топширган.
Жорий ўқув йилида мамлакатнинг 135 та туман ва шаҳридаги 5 690 та давлат умумтаълим мактабида қабул жараёнлари онлайн шаклда ташкил этилмоқда. Бу республикадаги барча умумтаълим мактабларининг қарийб 60 фоизини ташкил қилади.
Вазирликнинг эслатишича, микроҳудуд доирасидаги 1-синфга қабул жараёнлари жорий йилнинг 31 июлига қадар давом этади.
Қабул жараёнлари юзасидан қўшимча саволлар юзасидан фуқаролар Мактабгача ва мактаб таълими вазирлигининг расмий Telegram боти орқали мурожаат қилишлари мумкин.
