Hukumatning 2026 yil 24 iyuldagi 406-son qarori bilan “Ta’lim va sport yo‘nalishlari bo‘yicha o‘tkaziladigan fan olimpiadasi va sport musobaqasi g‘oliblarini “O‘zbekiston bo‘ylab sayohat” yo‘llanmasini taqdim etish orqali rag‘batlantirish tartibi to‘g‘risida”gi nizom tasdiqlandi.
Nizomga muvofiq, respublika bosqichida g‘olib bo‘lgan o‘quvchi-yoshlarga O‘zbekistondagi turistik ob’yektlarga 3 kunlik sayohat, viloyat bosqichi g‘oliblariga esa boshqa viloyatdagi turistik maskanlarga 2 kunlik sayohat yo‘llanmasi beriladi.
Sayohat tadbirlari o‘tkazilishidan kamida 10 kun oldin yo‘llanma sohiblari sayohat sanasi va manzili haqida xabardor qilinadi.
Yo‘llanma doirasida transport xizmati, yashash va ovqatlantirish, ekskursiyalar, gid xizmati, turistik ob’yektlarga kirish chiptalari hamda sayohat sug‘urtasi bilan bog‘liq barcha xarajatlar tashkilotchilar tomonidan qoplab beriladi.
