12-avgust kunidagi tutilish Markaziy Yevropa vaqti bilan soat 18:00 dan biroz o‘tgach Rossiyaning eng shimoliy qismida boshlandi. Oy soyasi avval Grenlandiya va Islandiyani qamrab oldi, so‘ngra janubroqqa siljigan holda Ispaniyaning ayrim hududlaridan o‘tdi.
Soat 21:00 ga kelib, O‘rta Yer dengizida quyosh botishi bilan tutilish ham o‘z nihoyasiga yetdi.
To‘liq quyosh tutilishi qanday hodisa?
To‘liq quyosh tutilishi uchta koinot jismining o‘zaro joylashuvi sababli yuzaga keladi: Mukammal tekislik: quyosh, oy va yer fazoda bir to‘g‘ri chiziqqa tiziladi. Oy yer sayyorasi atrofida aylanar ekan, quyosh va yer o‘rtasiga kirib qoladi.
Shundan so‘ng oy quyosh nurini to‘sadi va Yer yuzasiga qora soya tashlaydi. Soya tushgan kichik hududdagi odamlar to‘liq tutilish guvohi bo‘lishadi.
Quyosh oydan salkam 400 marta katta. Biroq u yerdan oyga qaraganda ham ancha uzoqroqda joylashgan. Shu sababli, Yerdan qaraganda quyosh ham, oy ham ikkalasi ham bir xil o‘lchamda ko‘rinadi. Tutilishda ikki fazoviy jism bir-birini to‘liq yopa oladi.
Islandiya va Ispaniyadagi kuzatuvlar
Islandiyaning olis chekkalaridan tortib Ispaniya qirg‘oqlarigacha bo‘lgan hududlarda mahalliy aholi va millionlab mehmonlar ushbu hodisani kuzatdi. Jazirama issiqdan qiynalayotgan Yevropa uchun kunduz kuni bir necha lahzaga bo‘lsa-da, qorong‘ilik cho‘kishi odamlarga xush yoqdi.
Biroq, bulutli havo, o‘rmon yong‘inlaridan tarqalgan tutun va bo‘ronlar ba’zi joylarda ushbu tomoshaga biroz soya soldi.
Reutersʼning yozishicha, Ispaniyada ushbu tabiat hodisasini eng yaxshi tomosha qilish mumkin bo‘lgan qishloq hududlarida maxsus kuzatuv maydonchalarini tashkil etdi hamda ulkan politsiya kuchlarini safarbar qilingan.
Ispaniyadagi tutilish bulutli Islandiyaning katta qismida unchalik yaqqol sezilmagan tutilishdan ko‘p o‘tmay yuz berdi.
Ispaniya uchun bu hodisa mamlakatning kam sayohat qilinadigan hududlarini namoyish etish va sayyohlarni gavjum plyaj kurortlaridan shu yerlarga jalb qilish uchun yaxshi imkoniyat bo‘ldi.
Mahalliy matbuot xabarlariga ko‘ra, rasmiylar tutilish yo‘nalishi bo‘ylab joylashgan Ispaniya shimoliga va Balear orollaridagi qishloq hududlariga 6 milliongacha mehmon tashrif buyurishini kutishgan.
Yevropa bo‘ylab yuzlab fotograflar ushbu hodisani kameralarga muhrladi.
