Markaziy bank 20-avgustdagi xorijiy valyutalarning so‘mga nisbatan rasmiy kursini e’lon qildi. Unga ko‘ra, 1 AQSh dollari 25,52 so‘mga arzonlab, 11 794,88 so‘m etib belgilandi. Bu 2023-yilning 10-avgust kunidan beri (11 667 so‘m) qayd etilgan minimal qiymat.
Umuman olganda, dollar kursi ketma-ket beshinchi savdo kuni so‘mga nisbatan pasayib, deyarli 153,7 so‘mga (1,28 foiz) - 11 948 so‘mdan 11 794 so‘mga arzonlashdi. Kun davomida bitta bankda Amerika valyutasini 11 860 so‘mdan, yana 3 ta bankda esa 11 870 so‘mdan sotib olish mumkin bo‘ldi.
So‘mning kuchayishi ko‘p jihatdan ichki va O‘zbekistonga xos omillar bilan bog‘liq bo‘lishi mumkin. Eksport daromadlarining o‘sishi, oltin eksporti daromadlarining sterilizatsiyasi va migrantlar pul o‘tkazmalari hajmining oshishi shular qatoriga kiradi.
