Tadbirda davlat rahbari yigʻilganlarni ulugʻ va moʻʼtabar ayyom – Oʻzbekiston Respublikasi davlat mustaqilligining 35 yilligi bilan samimiy tabrikladi.
– 35 yil – tarix uchun juda qisqa davr. Lekin ortda qolayotgan yillar oʻzining koʻlami, yutuq va natijalari bilan asrga tatigulik davr boʻldi, desak, aslo mubolagʻa boʻlmaydi, – dedi Mirziyoyev.
Prezident taʼkidlaganidek, mazkur oʻzgarishlarning haqiqiy muallifi – mehnatkash va olijanob xalqimizdir.
Tadbir yakunida mustaqillik bayrami arafasida taqdirlanganlarga davlat mukofotlari topshirildi.
Saidov Baxtiyor Odilovich – Tashqi ishlar vaziri, «Mehnat shuhrati» ordeni bilan taqdirlandi.
Shermatov Sherzod Xotamovich – Raqamli texnologiyalar vaziri, «Mehnat shuhrati» ordeni bilan taqdirlandi.
Qudratov Laziz Shavkatovich – Investitsiyalar, sanoat va savdo vaziri, «Doʻstlik» ordeni bilan taqdirlandi.
Bozorov Xayrullo Hayitboyevich – Fargʻona viloyati hokimi, «Fidokorona xizmatlari uchun» ordeni bilan taqdirlandi.
Azimov Murotjon Berdialiyevich – Qashqadaryo viloyati hokimi, «Fidokorona xizmatlari uchun» ordeni bilan taqdirlandi.
Abdurazzoqov Shavkat Shokirjonovich – Namangan viloyati hokimi, «Mehnat shuhrati» ordeni bilan taqdirlandi.
