31-avgust kuni soat 13:44 da Zangiota tumani «Al-Xorazmiy» MFY hududida joylashgan omborlardan birida yongʻin sodir boʻlayotgani haqida Toshkent viloyati Favqulodda vaziyatlar bosh boshqarmasiga xabar kelib tushgan.

Xabar asosida yongʻin-qutqaruv boʻlinmalari zudlik bilan voqea joyiga yetib borgan.

Yongʻin soat 14:22 da qurshab olinib, soat 15:10 da toʻliq oʻchirilgan.

Rasmiy maʼlumotga koʻra, hodisa oqibatida tan jarohati olganlar yoʻq.

Hozirda yongʻinning kelib chiqish sababi va yetkazilgan moddiy zarar miqdori aniqlanmoqda.