Elektron raqamli imzo (ERI) elektron hujjatlarni imzolash hamda davlat va boshqa elektron xizmatlardan foydalanish uchun kerak. Oʻzbekistonda ERIni my.gov.uz, e-imzo.soliq.uz orqali yoki Davlat xizmatlari markazida olish mumkin. Har bir usulning oʻziga xos jihatlari va rasmiylashtirish tartibini koʻrib chiqamiz.
FreepikFreepik
ERI nima?
Elektron raqamli imzo (ERI) elektron hujjatlarni imzolash va hujjatni aynan kim imzolaganini tasdiqlash uchun zarur. Undan davlat va boshqa elektron xizmatlarda foydalaniladi.
Masalan, ERI quyidagilar uchun kerak boʻlishi mumkin:
soliq hisobotlarini topshirish;
my.gov.uz orqali ariza yuborish;
elektron savdolar va davlat xaridlarida ishtirok etish.
ERI qancha turadi?
Sertifikat narxi ariza beruvchining maqomiga bogʻliq.
Olish usuli
Jismoniy shaxs
Yuridik shaxs/YAT
DXM / rasmiy resurs
28 840 soʻm
41 200 soʻm
my.gov.uz
25 956 soʻm
37 080 soʻm
Summalar maqola eʼlon qilingan paytda amalda boʻlgan 412 000 soʻmlik BHM asosida koʻrsatilgan. 1-sentabrdan BHM 440 000 soʻmga oshdi, shuning uchun BHMga bogʻliq davlat bojlari ham koʻpaydi.
Qaysi usulni tanlash kerak?
ERI olishning uchta usuli mavjud:
my.gov.uz - onlayn;
e-imzo.soliq.uz - onlayn;
Davlat xizmatlari markazi
Mavzuga oid
- shaxsan borib.
Yuridik shaxs uchun ERIni masofadan turib rahbar rasmiylashtirishi mumkin. Yuridik shaxsning boshqa vakillari esa ERIni Davlat xizmatlari markazidan oladi.
my.gov.uz orqali ERI olish
my.gov.uz orqali ERI olish uchun kompyuter kerak boʻladi. Kompyuterda E-IMZO moduli, telefonda esa MyID ilovasi oʻrnatilgan boʻlishi kerak.
Portal oferta va rasmiylashtirish talablari haqida maʼlumot beradi. Kompyuterda E-IMZO dasturining 4.84 yoki undan yangi versiyasi, telefonda esa MyID ilovasi oʻrnatilgan boʻlishi kerak.
Kun.uz
3. JShShIRni yozing
«Ariza beruvchi haqida maʼlumot» boʻlimiga JShShIRni kiriting. U ID-karta va biometrik pasportda koʻrsatilgan boʻladi.
Kun.uz
4. Shaxsingizni tasdiqlang
Telefon raqamingizni kiriting va MyID orqali shaxsni tasdiqlashni tanlang. Ilovada QR-kodni skanerlang va biometrik tekshiruvdan oʻting.
Kun.uz
Kun.uz
Kun.uz
Shundan soʻng portaldan koʻrsatiladigan maʼlumotlarni tekshiring va arizani yuboring.
5. ERI kalitini yarating
«Kalit yaratish» tugmasini bosing. E-IMZO moduli ochiladi. Unda PFX-fayl saqlanadigan joyni tanlang va parol oʻrnating.
Kun.uz
Kun.uz
Parolni tiklab boʻlmaydi, shuning uchun uni ishonchli joyda saqlang. Kalit faylini ham oʻchirib yubormang. Fayl yoʻqolsa, ERIni qaytadan rasmiylashtirishga toʻgʻri keladi.
6. Xizmat haqini toʻlang
Kalit yaratilgandan soʻng toʻlovga oʻting.Arizaning holatini «Mening arizalarim» boʻlimidan tekshirishingiz mumkin.
Kun.uz
7. Faollashishini kuting
Rasmiylashtirish tugagach, sertifikat faollashtiriladi. Shundan soʻng ERIni elektron hujjatlarni imzolash va xizmatlardan foydalanish uchun qoʻllash mumkin.
Kun.uz
e-imzo.soliq.uz orqali ERI olish
Buning uchun E-IMZO dasturi oʻrnatilgan kompyuter va Soliq ilovasi oʻrnatilgan telefon kerak boʻladi.
1. E-IMZO dasturining soʻnggi versiyasini oʻrnating
E-IMZO dasturining soʻnggi versiyasini rasmiy saytdan yuklab olib, kompyuterga oʻrnating. Shundan keyin e-imzo.soliq.uz saytida ERI olishga oʻtishingiz mumkin.
Kun.uz
Kun.uz
Muhim: ERI kalit fayli kompyuterda yaratiladi, shuning uchun rasmiylashtirishni boshlashdan oldin E-IMZO dasturi oʻrnatilgan boʻlishi kerak.
Jismoniy shaxsdan JSHSHIR va mobil telefon raqamini kiritish talab qilinadi. Keyin rasmdagi kodni kiriting va «Keyingi qadam» tugmasini bosing.
3. Telefon raqamini tasdiqlang
Koʻrsatilgan telefon raqamiga SMS orqali tasdiqlash kodi yuboriladi. Kodni tegishli maydonga kiriting va keyingi bosqichga oʻting.
Kun.uz
4. Arizani tekshiring va toʻlovni amalga oshiring
Tizim sizning maʼlumotlaringiz asosida ariza shakllantiradi. Maʼlumotlarni tekshirib, arizaning toʻgʻriligini tasdiqlang.
Kun.uz
Kun.uz
Shundan soʻng ERI narxi va «Toʻlash» tugmasi paydo boʻladi. Toʻlovni amalga oshiring. Ariza tekshirilgandan soʻng tizim QR-kod yaratishni taklif qiladi. Ushbu QR-kod Soliq ilovasi orqali shaxsingizni tasdiqlash uchun kerak boʻladi.
5. Soliq ilovasi orqali shaxsingizni tasdiqlang
Telefoningizdagi Soliq ilovasini oching, elektron raqamli imzo boʻlimiga kiring va saytda yaratilgan QR-kodni skanerlang. Soʻng Face ID yordamida biometrik tekshiruvdan oʻting.
6. ERI kalitini yarating
Shaxsingiz muvaffaqiyatli tasdiqlangandan soʻng saytga qayting va «Kalit yaratish» tugmasini bosing. E-IMZO kompyuterda ERI kalit faylini yaratadi. Fayl saqlanadigan joyni tanlang va parol oʻrnating.
Davlat xizmatlari markazida ERI olish
Agar my.gov.uz yoki e-imzo.soliq.uz orqali ERI olishning imkoni boʻlmasa, uni Davlat xizmatlari markazida olish mumkin. Markaz xodimi arizani sizning nomingizdan toʻldiradi. Shaxsni tasdiqlash Face ID orqali amalga oshiriladi. Soʻng yopiq kalit paroli arizada koʻrsatilgan telefon raqamiga yuboriladi.
Kun.uz
Sertifikat berilganda ERI kalit fayli ariza beruvchi taqdim etgan tashqi xotira qurilmasiga yozib beriladi.
ERI qancha muddat amal qiladi?
ERI kaliti sertifikati roʻyxatdan oʻtkazilgan kundan boshlab 24 oygacha amal qiladi. Aniq amal qilish muddati sertifikat maʼlumotlarida koʻrsatiladi.
ERI olishdan oldin nimalarni bilish kerak?
ERIni onlayn yoki Davlat xizmatlari markazida olish mumkin.
my.gov.uz orqali rasmiylashtirish uchun kompyuterda E-IMZO, telefonda esa MyID ilovasi oʻrnatilgan boʻlishi kerak.
Yuridik shaxs uchun ERIni internet orqali faqat rahbar rasmiylashtirishi mumkin. Boshqa vakillar ERIni DXMda oladi.
