Bu haqda 8-sentabr kuni Vengriya tashqi ishlar vaziri Anita Orban maʼlum qildi.
Uning soʻzlariga koʻra, Rossiya diplomatik vakolatxonasining 10 nafar xodimi Vengriya hududida Diplomatik munosabatlar toʻgʻrisidagi Vena konvensiyasida belgilangan diplomat maqomiga mos kelmaydigan faoliyat bilan shugʻullangan.
Shu munosabat bilan Vengriya tomoni mazkur diplomatlardan mamlakat hududini tark etishni talab qilgan.
«Rossiya vakolatxonasining oʻn nafar xodimi Vengriyada Vena konvensiyasiga muvofiq diplomat maqomiga mos kelmaydigan faoliyat olib borgan. Shu sabab Vengriya tomoni ulardan mamlakatni tark etishni talab qildi», - dedi tashqi ishlar vaziri.
Bosh vazir Peter Madyar boshchiligidagi Vengriya hukumati bu qaror mamlakat «xavfsizligi va suverenitetini» himoya qilish maqsadida qabul qilinganini bildirgan.
Shu bilan birga, Anita Orban diplomatlarni chiqarib yuborish Rossiya bilan diplomatik munosabatlarni uzishni anglatmasligini taʼkidladi.
Uning fikricha, ikki davlat oʻrtasida oʻzaro hurmat va belgilangan qoidalarga rioya qilish asosida zarur muloqot saqlab qolinishi kerak.
Rossiya davlat OAV esa Moskva Vengriyaning qaroriga javoban tegishli choralar tayyorlayotgani haqida xabar berdi. Rossiya tomoni qanday javob choralari koʻrishi hozircha ochiqlanmagan.
