Xiaomi REDMI Note 17 seriyasini taqdim etadi: uzoq yillarga moʻljallangan REDMI Titan sifati
|10:592 2298 min
Toshkent, Oʻzbekiston, 2026-yil 15-sentabr - Xiaomi mashhur smartfonlar turkumining yangi avlodi - REDMI Note 17 seriyasini taqdim etdi. Seriya uchta modelni, jumladan, turkum tarixida ilk bor chiqarilgan REDMI Note 17 Pro Max 5G modelini oʻz ichiga oladi.
Smartfonlar katta sigʻimli batareyalar, tezkor quvvatlash, suv va tushib ketishdan kuchaytirilgan himoya hamda yangilangan dizaynga ega. Seriya REDMI’ning «Uzoq yillarga moʻljallangan» konsepsiyasini davom ettirib, oʻrta narx segmentida chidamlilikning yangi darajasini belgilaydi.
Seriya taqdimoti yana bir muhim natija bilan uygʻunlashdi: dunyo boʻylab yetkazib berilgan REDMI Note qurilmalari soni 500 milliondan oshdi.
Turkum flagmani - REDMI Note 17 Pro Max 5G - REDMI Titan sifati, flagman darajasidagi imkoniyatlar va Xiaomi smartfonlari orasidagi eng katta, 10 000 mA•soatgacha sigʻimli batareyani birlashtiradi. U REDMI Note 17 Pro 5G va REDMI Note 17 bilan birga «Uzoq yillarga moʻljallangan» falsafasini ifodalaydi.
REDMI Titan Quality: uzoq yillar davomida ishonchlilik
Seriyadagi barcha modellar uzoq muddat foydalanishga moʻljallangan. Ular uchun olti yilgacha xavfsizlik yangilanishlari taqdim etiladi, ayrim modellarning batareyasi ham shuncha muddat xizmat qiladi. REDMI Note 17 Pro Max 5G dasturiy taʼminoti olti yil davomida «yangi qurilmadek» unumdorlikni ham taʼminlaydi.
REDMI Note 17 Pro Max 5G va REDMI Note 17 Pro 5G sohada birinchi boʻlib besh yulduzli TÜV SÜD Titan Quality sertifikatini oldi. U qurilmalarning tushish, tebranish va toʻqnashuvlarga chidamliligi, port va tugmalar ishonchliligi, suvga bardoshliligi, shuningdek, turli harorat, mexanik taʼsir va koʻp sonli quvvatlash sikllarida batareyaning uzoq xizmat qilishini tasdiqlaydi.
REDMI Note 17 batareyaning uzoq xizmat qilishini tasdiqlovchi besh yulduzli TÜV SÜD Battery Performance sertifikatini oldi.
Uzoq ishlash va tezkor quvvatlash
Butun seriya kremniy-uglerod texnologiyasiga asoslangan REDMI Titan batareya tizimi bilan jihozlangan.
REDMI Note 17 Pro Max 5G tarkibida 16% kremniy boʻlgan 10 000 mA•soat sigʻimli batareya, 100 Vt HyperCharge va 27 Vt teskari quvvatlashni qoʻllab-quvvatlaydi. Ayrim bozorlarda tezkor quvvatlash va uzoq xizmat muddati koʻrsatkichlari bir xil boʻlgan 9 210 mA•soatli batareya qoʻllanadi.
REDMI Note 17 Pro 5G 8 340 mA•soat sigʻimli batareya bilan jihozlangan va 67 Vt HyperCharge’ni qoʻllab-quvvatlaydi.
REDMI Note 17 7 700 mA•soat sigʻimli batareya va 45 Vt quvvatlashga ega.
REDMI Note 17 Pro Max 5G bir quvvat bilan uch kungacha ishlaydi, 20 daqiqalik quvvatlash esa bir kungacha foydalanish imkonini beradi. Batareyani aqlli boshqarish tizimi 1 600 ta quvvatlash siklidan keyin boshlangʻich sigʻimning kamida 80 foizini saqlaydi. Bu odatiy foydalanishda taxminan olti yilga teng.
Suv va tushib ketishdan himoya
REDMI Note 17 Pro Max 5G va REDMI Note 17 Pro 5G kundalik foydalanishdagi jismoniy yuklamalarga moʻljallangan, kuchaytirilgan REDMI Titan Structure konstruksiyasiga ega.
Ikkala model IP66, IP68, IP69 va IP69K himoya darajalariga mos keladi. Ular ikki metr chuqurlikdagi suvda 72 soatlik sinovdan oʻtgan va suv ostida suratga olish uchun Underwater Mode rejimiga ega.
Wet Touch 2.0 texnologiyasi suv, moy, koʻpik va terni aniqlab, sensorli boshqaruv aniqligini saqlaydi.
Pro modellari granit yuzaga uch metrgacha balandlikdan tushirish boʻyicha SGS sertifikatlagan sinovlardan ham oʻtgan. Corning Gorilla Glass Victus 2 kundalik tushish va tirnalishlarga chidamlilikni oshiradi. Mustahkam asosiy plata, kuchaytirilgan MDA oʻrta ramkasi va zarbani yumshatuvchi ichki konstruksiya komponentlarni qoʻshimcha himoya qiladi.
Yangilangan dizayn
Seriya yangi koʻrinishga ega: kamera moduli, tekis displey, yumaloqlangan burchaklar va ikki xil pardozli orqa panel.
REDMI Note 17 Pro Max 5G fotoxrom orqa panelli eksklyuziv Cloud Blush rangida ham taklif etiladi: ultrabinafsha nurlar taʼsirida bulutdek oq rang iliq pushti-toʻq sariq tusga oʻzgaradi.
REDMI Note 17 Pro 5G uchun Satin Orange va Sky Blue, shuningdek, binafsha va qora ranglar mavjud. Satin Orange’da har bir qurilmada oʻziga xos naqsh yaratadigan Glitter Process texnologiyasi qoʻllangan.
Flagman darajasidagi imkoniyatlar
REDMI Note 17 seriyasi uzoq xizmat muddatini flagman darajasidagi displeylar, unumdorlik va kameralar bilan uygʻunlashtiradi.
Pro modellari 6,83 dyuymli displeylar, REDMI Note 17 5G va REDMI Note 17 esa kattalashtirilgan 6,99 dyuymli ekranlar bilan jihozlangan.
REDMI Note 17 Pro Max 5G va REDMI Note 17 Pro 5G displeylari 1,5K aniqlik, 3 500 nitgacha yuqori yorqinlik va 3 200 Gs gacha lahzali teginishni qayd etish chastotasiga ega.
Barcha modellar kuchli dinamiklar bilan jihozlangan. REDMI Note 17 Pro Max 5G’da ovoz balandligi 400% gacha oshirilgan.
Seriya kameralari kundalik suratlar va portretlarda teri tusi, yuz detallari hamda ranglarni tabiiy aks ettirishga moʻljallangan. Barcha modellar bir vaqtning oʻzida ikkita kamerada tasvirga olishni qoʻllab-quvvatlaydi.
REDMI Note 17 Pro Max 5G 4K formatida sekundiga 30 kadr tezlikda video yozish, professional video rejimi va Live Moment funksiyasini qoʻllab-quvvatlaydi. Bu imkoniyatlar REDMI Note 17 Pro 5G’da ham mavjud.
Oʻzbekistonda sotuvga chiqishi
REDMI Note 17 Pro Max 5G toʻrtta rangda taqdim etilgan: Cloud Blush, yashil, binafsha va qora.
Oʻrtacha bozor narxi - 5 400 000 soʻm.
REDMI Note 17 Pro 5G toʻrtta rangda taqdim etilgan: Sky Blue, Satin Orange, binafsha va qora.
Oʻrtacha bozor narxi - 4 700 000 soʻm.
REDMI Note 17 uchta rangda taqdim etilgan: Celestial Purple, Sky Teal va qora.
Oʻrtacha bozor narxi - 3 300 000 soʻm.
Oʻzbekistonda REDMI Note 17 Pro Max xaridorlari uchun maxsus taklif amal qiladi: smartfon xaridiga Xiaomi Sound Speaker kolonkasi sovgʻa qilinadi. Xaridorlarga kengaytirilgan servis shartlari ham taqdim etiladi: smartfonga ikki yillik kafolat va xarid kunidan boshlab olti oy ichida ekranni bir marta bepul almashtirish. *Taklif 2026-yil 31-oktabrgacha amal qiladi. Aksiya davrida xarid qilingan qurilmalar batareyasiga uch yillik kafolat beriladi.
Smartfonlar Xiaomi’ning rasmiy hamkorlari - UZUM, Texnomart, CA Store, IDEA, JoyBox, ISHONCH, Alifshop, BeeMarket doʻkonlarida hamda Oʻzbekiston texnika bozorlarida mavjud.
Xiaomi haqida
Xiaomi 2010-yil aprel oyida tashkil etilgan. Kompaniya isteʼmol elektronikasi va aqlli ishlab chiqarishga ixtisoslashgan boʻlib, buyumlar interneti (AIoT) platformasi orqali birlashtirilgan smartfonlar va aqlli qurilmalarni rivojlantiradi.
2026-yil iyun holatiga koʻra, Xiaomi’ning oylik faol foydalanuvchilari soni, jumladan, smartfon va planshet foydalanuvchilari 766,5 millionga yetdi. 2026-yil 30-iyunda Xiaomi platformasiga smartfon va planshetlardan tashqari 1 160,8 million IoT qurilmasi ulangan edi.
2023-yil oktabrda Xiaomi shaxsiy qurilmalar, aqlli uy mahsulotlari va avtomobillarni birlashtirgan «Inson × Avtomobil × Uy» aqlli ekotizimi strategiyasini yangiladi.
Xiaomi mahsulotlari dunyoning 100 dan ortiq mamlakat va hududida taqdim etilgan. 2026-yil iyul oyida kompaniya ketma-ket sakkizinchi yil Fortune Global 500 reytingiga kirib, 232-oʻrinni egalladi.
Xiaomi Hang Seng Index, Hang Seng China Enterprises Index, Hang Seng TECH Index va Hang Seng China 50 Index indekslari tarkibiga kiradi.
