Yaman husiylari 19-sentabr kuni Saudiya Arabistoni poytaxti Ar-Riyoddagi «nozik» obyektlarga raketa va dronlar bilan hujum qilganini aytdi. Husiylar Ar-Riyodda aynan qaysi obyektlarni nishonga olganini aniqlashtirmadi. Bu eʼlondan bir necha soat avval shaharning bosh aeroporti – «Shoh Xolid» yaqinida olov va ulkan tutun ustuni koʻzga tashlangandi.
Reuters tarqatgan video va suratlarida hududda koʻtarilayotgan ulkan qora tutun ustuni aks etgan. Old tomonda aeroportga olib boruvchi avtomagistral, asosiy terminal binosi va boshqa inshootlar koʻrinadi. Videoning bir oʻrnida yoqilgʻi sisternalarini eslatuvchi obyektlar ortidan koʻtarilayotgan olov tasvirga tushgan.
AFP jurnalistining kuzatuviga koʻra, oʻt oʻchiruvchilar Shoh Xolid aeroporti yonidagi omborda «Aramco» logotipi tushirilgan sisternadagi yongʻinni oʻchirgan. Biroq Saudiya rasmiylari zarar hajmi boʻyicha hech qanday tushuntirish bermadi. FlightRadar24 aeroportda koʻplab reyslar bekor qilingan va kechiktirilganini maʼlum qildi. Keyinroq harakat asta-sekin tiklangan.
Shuningdek, husiylar Qizil dengiz boʻyidagi Yanbu shahrida joylashgan «Aramco» obyektiga ham hujum qilganini maʼlum qildi. Ularning aytishicha, operatsiya Yaman poytaxti Sanoda amalga oshirilgan havo hujumiga javob sifatida uyushtirilgan.
Husiylarga koʻra, Saudiya soʻnggi bir hafta ichida ular nazoratidagi hududlarga 300 ga yaqin, jumladan soʻnggi sutkada 26 ta zarba bergan.
Saudiyaning izohi
Saudiya Arabistoni boshchiligidagi harbiy koalitsiya shanba tongida havo mudofaasi kuchlari husiylar Ar-Riyodga uchirgan raketani yoʻq qilganini bildirdi.
Koalitsiya
