Toshkent shahar IIBB YHXB axborot xizmati maʼlumotiga koʻra, hodisa soat 14:00 larda Afrosiyob va Beshyogʻoch koʻchalari kesishmasida yuz bergan.
1983-yilda tugʻilgan haydovchi Drongo skuterida chorrahadan chapga burilayotgan vaqtda asosiy yoʻldan kelayotgan Nexia-3 avtomobili bilan toʻqnashgan. Avtomobilni 2004-yilda tugʻilgan haydovchi boshqargan.
Rasmiy axborotda hodisa oqibatida jabrlanganlar bor-yoʻqligi haqida maʼlumot berilmagan.
Hozirda Toshkent shahar IIBB YHXB masʼul xodimlari holat yuzasidan surishtiruv harakatlarini olib bormoqda.
