Oʻzbekiston milliy jamoasi 24-sentabr kuni Fargʻona shahrida Eron milliy jamoasiga qarshi oʻrtoqlik bahsini oʻtkazdi. Bu bosh murabbiy Fabio Kannavaro shogirdlarining jahon chempionatidan keyingi ilk oʻyini boʻldi.
10-daqiqada Eldor Shomurodov raqib himoyachisining «sovgʻasi»dan keyin toʻpni jarima maydoni ichida egallab oldi va darvozaga yoʻlladi.
49-daqiqada Ramin Rizoyon jarima zarbasini aniq amalga oshirib, hisobni tenglashtirdi.
58-daqiqada Eldor Shomurodov penaltidan gol urib, milliy jamoani hisobda yana oldinga olib chiqdi. Asosiy vaqtga qoʻshib berilgan daqiqalarda Husayn Norchayev yakuniy nuqtani qoʻydi.
Oʻzbekiston milliy jamoasi FIFA kunlaridan foydalanib yana 2 ta oʻrtoqlik oʻyinini oʻtkazadi.
1-oktabr - Oʻzbekiston - Suriya (Toshkent, soat 19:00)
6-oktabr - Janubiy Koreya - Oʻzbekiston (Janubiy Koreya, Yonʼin shahri, «Mireu» stadioni)
Oʻrtoqlik oʻyini
24-sentabr, Fargʻona, «Istiqlol» stadioni
OʻZBEKISTON - ERON 3:1
Gollar: Eldor Shomurodov (10, 58 pen), Husayn Norchayev (90+3) - Ramin Rizoyon (49)
Oʻzbekiston: Vladimir Nazarov, Abduqodir Husanov, Behruz Karimov (Hojiakbar Alijonov 82), Jahongir Oʻrozov, Akmal Mozgovoy, Odil Hamrobekov (Sherzod Esanov 82), Aziz Gʻaniyev (Diyor Holmatov 59), Sherzod Nasrullayev (Mahmud Mahamadjonov 82), Eldor Shomurodov (Husayn Norchayev 89), Doston Hamdamov (Ruslan Jiyanov 59), Abbos Fayzullayev (Aziz Amonov 89).
Bosh murabbiy: Fabio Kannavaro (Italiya)
Eron: Alirizo Beyronvand, Solih Hardaniy (Ramin Rizoyon, 46), Ehson Hajisafiy (Muhammad Qurboniy 64), Said Izzatullohiy, Mahdiy Torimiy, Oriyo Yusufiy, Saman Fallah, Ali Neʼmatiy, Umid Nurafkon, Dennis Dargahiy (Sardor Ozmun 46), Muhammadmahdiy Muhibiy (Amirhusayn Mahmudiy 64)
Bosh murabbiy: Amir Gʻalinoiy
Ogohlantirishlar: Said Izzatullohiy (17), Abbos Fayzullayev (55), Alirizo Beyronvand (55)
