«Dunyo» axborot agentligi xabariga koʻra, hujjatni ikki davlat hukumatlari nomidan Oʻzbekistonning BMT huzuridagi doimiy vakili Ulugʻbek Lapasov va Vanuatuning BMT huzuridagi missiyasi rahbari Odo Tevi imzolagan.
Uchrashuvda xalqaro tashkilotlar, jumladan, BMT va uning ixtisoslashtirilgan muassasalari doirasida yaqin hamkorlikni mustahkamlash muhimligi taʼkidlangan.
Qoʻshma kommyunikening imzolanishi Oʻzbekistonning Tinch okeani mintaqasi davlatlari bilan diplomatik hamkorligini kengaytirish yoʻlidagi navbatdagi qadam boʻlgan.
Maʼlumot uchun, 2026-yil 22-aprel kuni Nyu-Yorkda Oʻzbekiston va Gvineya-Bisau oʻrtasida ham diplomatik munosabatlar oʻrnatish toʻgʻrisida qoʻshma kommyunike imzolangan edi.
