24-sentabr kuni Tramp Si Jinping sharafiga Oq uyda tantanali davlat ziyofati uyushtirgan. Unda Amerikaning yirik texnologiya kompaniyalari vakillari, jumladan, Tesla rahbari Ilon Mask, Apple rahbari Tim Kuk va OpenAI rahbari Sem Altman qatnashgan.
Tramp nutqida AQSH va Xitoy oʻrtasidagi shaxsiy aloqalarga urgʻu berib, ikki mamlakat hech qachon bir-birini hozirgidek yaxshi tushunmaganini aytgan.
Si Jinping esa vazminroq ohangda soʻzlab, har ikki davlat masʼuliyatli buyuk davlatlar sifatida harakat qilishi va oʻzaro munosabatlarga yangicha yondashuv topishi kerakligini taʼkidlagan.
Tayvan masalasi
Ziyofatdan oldin oʻtkazilgan ikki tomonlama muzokaralarda Tayvan masalasi ham koʻtarilgan. Xitoyning «Sinxua» davlat axborot agentligiga koʻra, Si Jinping AQShni Tayvan mustaqilligiga qarshi chiqishga chaqirgan.
DW yozishicha, Tramp may oyida Xitoyga tashrifidan keyin Tayvanga qariyb 14 mlrd dollarlik qurol-yarogʻ paketi yetkazib berilishini toʻxtatib turgan va bu masalani muzokara predmeti deb atagan.
Sunʼiy intellekt va texnologiyalar eksporti
Si Jinping sunʼiy intellekt jadal rivojlanayotgan sharoitda ushbu texnologiya doimo inson nazoratida qolishi kerakligini bildirgan.
Xabarda keltirilgan manbalarning bahosicha, ziyofatda texnologiya sohasi vakillari qatnashganiga qaramay, Tramp Amerika texnologiyalari eksportiga qoʻyilgan qatʼiy cheklovlarni saqlab qolishi kutilmoqda. Xitoy esa mazkur cheklovlarni yumshatishga intilmoqda.
Eron boʻyicha kelishmovchiliklar saqlanib qoldi
AQSH va Isroilning Eronga qarshi urushi masalasida ham tomonlarning pozitsiyalari yaqinlashmagan. Si Jinping oʻt ochishni toʻxtatish rejimiga qaytish tarafdori ekanini bildirgan.
Ukraina masalasi ham muzokaralar kun tartibidan oʻrin olgan, biroq xabarda bu yoʻnalishda erishilgan aniq kelishuvlar keltirilmagan.
Tramp qurilish loyihalarini ham namoyish etdi
