Nima uchun Toshkentdagi navigator odatdagidan koʻproq narsani bilishi mumkin?
Har qanday navigator marshrutni mavjud maʼlumotlar va taxminlar asosida tuzadi. Koʻchada mashinalar sekinlashganini koʻrib, u tirbandlik yuzaga kelgan, degan xulosaga keladi. Chorrahaning oʻzida nima boʻlayotganini esa u bilmaydi - svetofor uning uchun xuddi uch kvartal narida turgan haydovchi uchun boʻlgani kabi koʻrinmas obyekt hisoblanadi. Hamroh esa boshqacha ishlaydi: u ushbu svetoforlarni boshqaradigan tizimga ulangan.
Toshkentda yoʻl infratuzilmasini raqamlashtirish ishlari olib borilmoqda. Harakatni boshqarishning yagona tizimiga 938 ta svetofor kontrolleridan 442 tasi, 2652 ta transport svetofori va 1326 ta ustun allaqachon ulangan. Uskunalarning bir qismini butunlay almashtirishga toʻgʻri keladi: eski svetoforlar maʼlumot uzatishni ham, buyruqlarni qabul qilishni ham bilmaydi, ular shunchaki soniyalarni sanaydi, xolos.
Raqamli chorraha jadval boʻyicha emas, balki vaziyatga qarab ishlaydi: tizim har bir yoʻlakda nechta mashina turganini koʻradi va signallarni oʻzi oʻzgartiradi. Shuningdek, tizim shaharda sodir boʻlgan hodisani ertasi kungi hisobotda emas, balki u yuz berishi bilan darhol koʻrish imkonini beradi.
«Ushbu tizim real vaqt rejimida butun shahar boʻylab transport oqimlarini nazorat qilish va optimallashtirish, tirbandliklarning oldini olish va shu orqali yoʻl harakatini boshqarish imkonini beradi. Masalan, jamoat transporti, tez yordam va oʻt oʻchirish mashinalariga ustuvorlik bergan holda, mahalliy darajada maʼlum bir chorrahani nazorat qilish mumkin», - dedi TelecomSoft direktori oʻrinbosari Ramiz Mingazov.
Hamroh shunchaki tirbandliklarni emas, balki haqiqiy yoʻl vaziyatini - yoʻllardagi yuklama, yoʻl-transport hodisalari va svetoforlarning ishlash holatini koʻrsatadi. Siz nafaqat qayerda harakatlanish qiyinlashganini, balki eng yaqin chorrahada yashil chiroq yonishiga qancha vaqt qolganini ham koʻrasiz.
Bu biznes uchun nimani oʻzgartiradi?
Katta avtoparkni qoʻlda samarali nazorat qilib boʻlmaydi. Hamroh B2B kabineti barcha maʼlumotlarni bir ekranda jamlaydi: qaysi mashinaga sugʻurta kerakligi, qaysi birining texnik koʻrikdan oʻtish vaqti kelgani, qanday toʻlovlarni amalga oshirish kerakligi va hozir nimalarga eʼtibor qaratish lozimligi. Bitta mashinadan tortib mingtagacha boʻlgan butun avtoparkni muddatlarni oʻtkazib yubormasdan va ortiqcha xatolarsiz nazorat qilish mumkin.
