Prezident Administratsiyasi rahbari Saida Mirziyoyeva Turkmaniston poytaxti Ashxobod shahrida tashkil etilgan «ONA. Ona tabiat» koʻrgazmasida ishtirok etib, uning juda iliq taassurot qoldirganini maʼlum qildi.
«Ijodkorlar sanʼat orqali muhim bir gʻoyani aks ettirishgan: tabiat ham xuddi munis onalarimizdek mehrga, gʻamxoʻrlik va ehtiromga loyiq. Bu tuygʻuni, bunday munosabatni farzandlarimiz ongiga ham singdirish juda muhim.
Gurbanguli Berdimuhamedov nomidagi xayriya jamgʻarmasi hamda Haydar Aliyev jamgʻarmasini ushbu ajoyib koʻrgazmaning ochilishi bilan tabriklayman. Ezgu va ibratli tashabbus uchun rahmat!», deb yozdi u ijtimoiy tarmoqdagi sahifasida.
