Amerikaning Netflix kompaniyasi Amir Temur haqida film suratga oladi

Tayyorgarlik davri 2023 yilning yanvar-mart oylariga, suratga olish ishlari esa aprel-may oylariga rejalashtirilgan.

Filmga Jyeykob Shvars rejissyorlik qiladi.

Buyuk sarkarda haqida film suratga olish g‘oyasi 2019 yildan beri muhokama qilinmoqda. O‘shanda Turizm davlat qo‘mitasi serial “Taxtlar o‘yini”ni ham ortda qoldirishini ma’lum qilgandi.

Shu paytgacha Amir Temur haqida bir qancha film ishlangan. Biroq ularning hech biri dunyo darajasiga chiqqan emas va ulug‘ sohibqiron shaxsi­ni ochib berolmagan.

Bobokalonimiz siy­mosini birinchi bo‘lib kinoda ozar­lar jonlantirishgan, 1973 yilda suratga olingan “Nasimiy” filmida Yusuf Veliyev Amir Temur obrazini gavdalantirgan.

Rejissyor Timur Bekmambetovning 2005 yilda yaratilgan “Kunduzgi posbon” nomli fantastik filmiga ham ulug‘ sarkarda obrazi kiritilgan. 2006 yilda rossiyalik rejissyor Aleksandr Fetisov tomonidan “Temur qarg‘ishi” nomli hujjatli film suratga olingan.