2023 yildan Qozog‘iston maktablari uch tilli ta'lim tizimiga o‘tadi

Qozog‘iston maktablari 2023 yildan uch tilli ta'lim tizimiga o‘tadi. Bu haqda Ibray Oltinsarin nomli Milliy ta'lim akademiyasi prezidenti o‘rinbosari Maryam Muqatova brifing chog‘ida bayonot berdi.

“Grafikka muvofiq, 2022-2023 o‘quv yilida qozoq-turk litseylari, xalqaro maktablar, gimnaziyalar, litseylar va ko‘p tilli maktablar, 2023-2024 yildan esa barcha umumta'lim maktablari inglizcha ta'limga ko‘chirilishi rejalashtirilmoqda. Uch tilli ta'limning joriy qilinishi ta'lim muassasasining pedagogik kengashi qaroriga muvofiq amalga oshiriladi”, - dedi u.