1 martdan taqiqlov belgisi bo‘lmagan barcha hududlarda foto va videoga olish mumkin bo‘ladi

Prezidentning turizmni tezkor rivojlantirishga doir qo‘shimcha chora-tadbirlar rejasiga ko‘ra, 2019 yilning 1 martidan e'tiboran taqiqlov belgisi bo‘lmagan barcha hududlarda foto va video olish mumkin bo‘ladi, deya xabar beradi Kun.uz muxbiri. 

Hujjatga ko‘ra, Ichki ishlar vazirligi Mudofaa vazirligi, O‘zbekiston Respublikasi Davlat xavfsizlik xizmatining Chegara qo‘shinlari, manfaatdor vazirlik va idoralar bilan birgalikda 2019 yilning 1 fevraligacha bo‘lgan muddatda foto- va videos'yomka qilish uchun taqiqlanuvchi obektlar, jamoatchilik joylari va hududlar ro‘yxatini tasdiqlaydi. 

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari 2019 yilning 1 martiga qadar ikki va undan ortiq chet tilida (ingliz, rus va b.) foto- va videos'yomka taqiqlanishiga doir tegishli ko‘rsatkichlarni o‘rnatish vazifasi yuklatildi. 

Ta'kidlash joizki, taqiqlov belgilari bo‘lmagan holatlarda bemalol foto va videoga olish mumkin bo‘ladi.