22:45 / 25.08.2023
26400

Muftiy abituriyentlarning 40 foizdan oshig‘i 56,7 ball ham ololmaganini musibat deb atadi

Muftiy Nuriddin domla Xoliqnazarov o‘zbekistonlik abituriyentlarning kirish imtihonlarida qayd etgan natijalari haqida gapirar ekan ularning 40 foizi «ikki bahoga ham javob bera olmagani»ni musibat deb atadi.

«Yaqinda hindistonlik olimlar birlashib Oyga o‘z apparatini chiqardi. Hindlar butun dunyoni lol qoldiradigan texnikalar yaratmoqda, ular shu masalada bahslashishmoqda. Hozir davolanish uchun eng qulay joy Hindiston.

U yerlarda mana shunday ilm ustidan musobaqalashishayotgan bir vaqtda biz hali ham soqolni qanday qo‘yish, kiyinmni qanday kiyishni tortishib yuribmiz. Tortishuvlarni to‘xtatmasak, ilm-ma’rifat bilan shug‘ullanmasak, xalqimiz baxtli bo‘lishi qiyin.

O‘qishga topshirgan maktab bitiruvchilarining ballari e’lon qilindi. 40 foizdan ko‘pi ikki bahoga ham javob bermabdi, mana bu musibat biz uchun. Soqolni uzun-kalta bo‘lishini o‘rniga mana shu masalani tashvishini qilishimiz kerak», degan muftiy.

Mavzu
Qabul-2023
2022/23 o‘quv yili uchun ixtisoslashgan va prezident maktablari, kollejlar, texnikumlar, bakalavriat va magistraturaga qabul hamda o‘qishni ko‘chirish bo‘yicha yangiliklar.
Barchasi
Top