Поп туманидаги ўрмонда ёнғин юз берди

Тахминан 70 сотих майдонда қуруқ ўт, шох-шабба ёнди.

Фото: Ижтимоий тармоқлар

Наманган вилояти, Поп тумани, Гулистон маҳалласида жойлашган Ибн-Сино ўрмон хўжалигига қарашли қир-адирликда ёнғин содир бўлди.

Kun.uz’га берилган ФВБ маълумотига кўра, 12 август куни соат 15:14 да ёнғин ҳақидаги хабар келиб тушган.

Шунга кўра, ФВБ 20 нафар ходими, 2 та техникаси Ўрмон хўжалигининг 20 нафар ходими ва 1 та техникаси ёнғин ҳудудига етиб борган. Соат 15:40 да ёнғин ўраб олиниб, 16:05 да ўчирилган.

Тахминан 70 сотих майдонда қуруқ ўт (шох-шабба) ёнган.

Ҳодиса оқибатида тан жароҳати олганлар йўқ.