Умумий майдони 39 минг квадрат метр, ҳудуди эса 4,6 гектар бўлган мажмуа қурилиш, таъмирлаш ва интерьер учун зарур маҳсулот ва хизматларни бир жойда жамлашга мўлжалланган. Марказнинг меъморий ва функционал концепциясида харидорлар учун қулайлик, тезкорлик ва маҳсулотлардан фойдаланиш имконияти асосий омиллардан бири сифатида кўзда тутилган.
Pavilion савдо-қурилиш мажмуасида қурилиш материалларини харид қилиш билан боғлиқ бир нечта хизматлар бир ҳудудда жамланган:
Маҳсулотлар ассортименти. Ихтисослашган дўконларда қуруқ қурилиш қоришмалари, арматура, ғишт ва гипсокартондан тортиб, санитария-техника маҳсулотлари, ёритиш ускуналари, бўёқ материаллари, пол қопламалари ва декор элементларигача бўлган маҳсулотлар мавжуд.
Омбор ва логистика. Мажмуа ҳудудидаги омборлар харид қилинган маҳсулотларни битим тузилган куннинг ўзидаёқ жўнатиш имконини беради. Бу етказиб беришни кутиш вақтини қисқартиришга хизмат қилади.
Таъмирлаш хизматлари. Мажмуа ҳудудида таъмирлаш бригадалари, етказиб бериш хизмати ва бошқа сервис-хизматлар фаолият юритади. Улар харид қилинган маҳсулотлардан фойдаланиб, таъмирлаш ишларини ташкил этишда ёрдам беради.
Транспорт ва логистика. Ташриф буюрувчилар учун 800 та автоуловга мўлжалланган бир сатҳли автотураргоҳ мавжуд. Тижорат ҳамкорлари ва юк транспорти учун эса алоҳида кириш йўллари ҳамда юк тушириш ҳудудлари ажратилган.
Мажмуа инфратузилмаси. Уч қават бўйлаб ёпиқ галереялар, навигация тизими, иқлим назорати ва табиий ёритиш кўзда тутилган. Бу дўконлар ўртасида турли об-ҳаво шароитларида ҳаракатланиш имконини беради.
