Инвестиция ҳажми $10 000 ва ундан юқори бўлган мижозлар учун премиум хизмат кўзда тутилган. Капитални бошқариш хизматларини холдингнинг NAPP инвестиция лицензиясига эга шўба компанияси — Adl Invest кўрсатади.
Офис фаолиятининг уч йўналиши
Янги офис инвестиция бўйича маслаҳатлар, мижозларни қўллаб-қувватлаш ва шахсий учрашувлар форматини ўзида бирлаштиради.
Инвестиция бўйича маслаҳатлар. IMAN Invest Holding мутахассислари мижозларга IMANUM инвестиция платформасининг ишлаш тамойилларини батафсил тушунтириб беради — даромад шаклланиш механизми, муддатлар, рисклар ва маблағларни ечиб олиш шартлари. Офисда нафақат маслаҳат олиш, балки инвестиция шартномасини шахсан имзолаш, шунингдек, касса орқали нақд пул билан операцияларни амалга ошириш мумкин.
Мижозларни қўллаб-қувватлаш. Бу ерда IMANUM экотизими маҳсулотлари билан боғлиқ масалалар ҳал этилади: расмийлаштириш, ҳужжатлар, тўловлар, аризалар ҳолати. Ёзишмаларда бир неча кунга чўзилиши мумкин бўлган масалалар офисда бир учрашувнинг ўзидаёқ — ишни охиригача етказадиган инвестиция менежери иштирокида ҳал қилинади.
Шахсий музокаралар хонаси. Махфий суҳбатлар — йирик инвестиция битимлари, бизнесни молиялаштириш, оилавий молиявий режалаштириш учун яккама-якка учрашувларга мўлжалланган алоҳида хона кўзда тутилган.
Офисда мижозлар билан шахсий инвестиция менежерлари (relationship managers) ишлайди. Улар мижозни бир аризадан иккинчисига эмас, балки компания билан ҳамкорлигининг бутун давомида олиб боради: инвестиция стратегиясини тузишга ёрдам беради, битимларни кузатиб боради, натижа учун жавобгар бўлади ва шартнома имзолангандан кейин ҳам алоқада қолади. «Чатдаги оператор» ўрнига мижозда мақсадларига эришишига кўмаклашадиган аниқ бир инсон — инвестиция ва молия бўйича шахсий маслаҳатчи пайдо бўлади.
