Шимолий Кореяда ички интернет дўкони очилди

КХДРда мамлакат фуқароларига мўлжалланган ички интернет дўкони очилди. Бу ҳақда ABC News маълумот бермоқда.
Okryu сайти биринчи навбатда смартфонлар фойдаланувчиларига мўлжалланган. Чет элликлар онлайн дўкон хизматларидан фойдалана олмайди. Сайт орқали кийим-кечак, аксессуарлар, оёқ кийими, дори воситалари, косметика ва мебель сотиб олиш мумкин. Маҳсулот учун КХДР ички банк тўлов тизими орқали ҳақ тўлаш мумкин.
Мобил алоқа мамлакатда 2008 йилда жорий этилган; 2013 йилга келиб Шимолий Кореяда мобил телефонлар ва смартфонлардан фойдаланувчилар сони 2 млн кишига етди. Бугунги кунда мамлакатда Koryolink давлат уяли алоқа оператори ишлаб турибди.