Блаттер: ФИФА президентлигидан истеъфо бермадим

ФИФА президенти Йозеф Блаттер кейинги сайловларда ушбу лавозим учун курашдан воз кечишни истамаслигини баён қилди.
“Мен истеъфога чиқмадим, аммо навбатдаги ижроия қўмитаси йиғилишида ваколатларимни бошқа одамларга таклиф қиламан”, – унинг сўзларини келтиради Blick.
Эслатиб ўтамиз, 2 июнь куни Блаттер ФИФАдаги коррупцион жанжал туфайли истеъфо беришини маълум қилган эди. Янги сайловлар 16 декабрь куни ўтказилиши айтилмоқда. Унга қадар 20 июль куни ФИФА ижроия қўмитасининг навбатдан ташқари йиғилиши бўлиб ўтади.